Johane 6:31 - Siswati 1996 Bible

³¹ Bokhokho betfu badla imana ehlane, njengobe kubhaliwe kutsi: ‘Wabapha sinkhwa lesehla ezulwini, kutsi badle.’ ”

Johane 6:31 ပူးပေါင်းရင်းမြစ်များ

Nehemiya 9:15

Ekulambeni kwabo wabapha sinkhwa lesasichamuka ezulwini, kwatsi ekomeni kwabo wabanatsisa emanti labephuma edvwaleni. Wabatjela kutsi abangene badle lelive, lewawufunge ngalo ngekuphakamisa sandla sakho kutsi uyakubapha lona.

Tihlabelelo 105:40

Bacela, wabapha tigwaca, wabesutsisa ngesinkhwa lesivela ezulwini.

Johane 6:49

Bokhokho benu badla imana ehlane, kodvwa bafa.

Eksodusi 16:35

Ema-Israyeli aphila ngekudla imana iminyaka lengema-40, adzimate efika eveni lelalakhelwe bantfu; adla imana adzimate efika emnyeleni welive laseKhenani.

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”

Nehemiya 9:20

Wabanika Moya wakho lolungile kutsi abafundzise. Awuzange uyigodle imana yakho emilonyeni yabo, wabanatsisa emanti, nase bomile.

Dutheronomi 8:3

Wanitfobisa, wanenta nalamba, wabe sewunondla ngemana, lenaningayati nekuyati nine naboyihlo benu, wentela kunifundzisa kutsi umuntfu akaphili ngesinkhwa sodvwa kodvwa nangawo onkhe emavi laphuma emlonyeni waSimakadze.

1 kubaseKorinthe 10:3

Bonkhe badla kudla kunye kwaMoya.

Johane 6:58

Lesi-ke sinkhwa lesehla ezulwini, asifanani nesinkhwa lesadliwa bokhokho benu, babuye bafa. Lodla lesinkhwa uyawuphila kuze kube phakadze.”

Joshuwa 5:12

Ngalelo langa imana yancamuka kwehla, ema-Israyeli nase adle sivuno salelo live; akazange aphindze abe nemana. Kodvwa ngalowo mnyaka badla lekwakusivuno selive laseKhenani.

Johane 6:32

Jesu watsi kubo: “Ngicinisile, ngicinisile, ngitsi kini: Bekungesiye Mosi lona lowanipha sinkhwa lesavela ezulwini, kepha Babe unipha sinkhwa sibili sivela ezulwini.