Johane 20:1 - Siswati 1996 Bible

¹ NgeliSontfo ekuseni ngeluvivi, Mariya waseMagdala wahamba waya ethuneni, wakhandza kutsi litje selisusiwe emnyango welithuna.

Johane 20:1 ပူးပေါင်းရင်းမြစ်များ

Makho 16:9

Jesu asavukile ekufeni ekuseni ngeliSontfo, lilanga lekucala evikini, watibonakalisa kucala kuMariya waseMagdala, lona labekhiphe kuye emadimoni lasikhombisa.

Matewu 27:60

wasibeka ethuneni lelisha labesandza kuligubha edvwaleni. Wase ugicitela litje lelikhulu emnyango walelithuna wavala ngalo, wesuka wahamba.

Makho 15:46

Josefa watsenga indvwangu yelineni, wasetfula sidvumbu saJesu, wasigocota ngalendvwangu, wayawusibeka ethuneni lelalimbiwe edvwaleni, wagicitela litje wavala ngalo umnyango walelithuna.

Johane 20:26

Kwatsi sekwendlule liviki bafundzi bakhe bandzawonye futsi kuyona leyondlu, naTomase akhona, iminyango ikhiyiwe, Jesu wefika wema emkhatsini wabo, watsi: “Kuthula akube kini!”

Johane 19:25

Lapha eceleni kwesiphambano saJesu bekume unina wakhe nadzadzewabonina, naMariya umkaKlophase, naMariya waseMagdala.

Sembulo 1:10

Ngelilanga leNkhosi ngangikuMoya, ngase ngiva emvakwami livi lelikhulu, shangatsi lelicilongo,

Matewu 27:64

Ngako khipha umyalo kutsi lelithuna lakhe ligadzisiswe kahle kuze kube lilanga lesitsatfu, kuze bafundzi bakhe bangayi kuyawumeba, bese batjela bantfu batsi: ‘Uvusiwe kulabafile,’ bese kutsi lamanga akhe ekugcina abe makhulu kakhulu kunalawa ekucala.”

1 kubaseKorinthe 16:2

Njalo nje ngelilanga lekucala evikini, akube ngulowo nalowo alondvolote loko lokumlingene, kuze kutsi iminikelo ingentiwa sengikhona.

Imisebenti yebaPhostoli 20:7

Kwatsi ngeMgcibelo kusihlwa sahlangana ndzawonye enkonzweni yeSidlo. Pawula wakhuluma kubantfu kwaze kwabasekhatsi nebusuku, ngobe abetawuhamba ngakusasa.

Matewu 27:56

Emkhatsini wabo bekukhona Mariya waseMagdala, naMariya, unina waJakobe naJosefa, nenina wemadvodzana aZebedi.

Matewu 27:66

Besuka bahamba, bayawuligadzisisa lelithuna: balivalisisa, baze bashiya neluphawu etjeni, babeka nebalindzi.

Matewu 28:1

EmvakweliSabatha, ekuseni ngeluvivi ngeliSontfo, Mariya waseMagdala nalomunye Mariya baya kuyawubona lithuna.

Matewu 28:2

Kwaba khona kutamatama kwemhlaba lokukhulu, ingilosi yeNkhosi yehla ezulwini, yaligicita lelitje, yase ihlala etikwalo.

Johane 11:38

Ngako Jesu waphindze wabibitseka, wahamba waze wefika ethuneni. Belingumhume nje limbonywe ngelitje emnyango.

Johane 11:41

Base bayalisusa-ke lelitje. Jesu wabuka etulu watsi: “Ngiyabonga, Babe, ngobe ungivile.