Johane 13:5 - Siswati 1996 Bible

⁵ Watsela emanti emgezelweni, wacala kugeza tinyawo tebafundzi bakhe, watesula ngelithawula labelivunule elukhalweni.

Johane 13:5 ပူးပေါင်းရင်းမြစ်များ

Lukha 7:44

Wase ugucukela kulomfati, utsi kuSimoni: “Uyambona lomfati? Seloku ngingenile lapha endlini yakho awukanginiki emanti ekugeza tinyawo tami, kodvwa yena sewugeze tinyawo tami ngetinyembeti takhe, waze watesula ngetinwele takhe.

Tihlabelelo 51:2

Ngigezisise ebubini bami, ngihlambulule esonweni sami.

Genesisi 19:2

watsi kuto: “Makhosi, ngiyanicela kutsi niphambuke nitewungenisa endlini yenceku yenu kulobusuku balamuhla, khona nitewugeza tinyawo tenu. Kusasa ngeluvivi seningahamba niye lapho niya khona.” Kodvwa taphendvula tatsi: “Cha, sitawuhlala lapha ngaphandle.”

1 kuThimothi 5:10

Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.

Genesisi 18:4

Ase nginiletsele liyakana lemanti nitewugeza tinyawo tenu, bese niphumula la emtfuntini walesihlahla.

Sembulo 7:14

Ngatsi kulo: “Nkhosi, nguwe lobatiko.” Lase litsi kimi: “Laba-ke ngibo labaphume ekuhluphekeni lokukhulu. Bageze tingubo tabo taba mhlophe ngengati yeliWundlu.

KumaHebheru 10:22

Ngako-ke asisondzele kuNkulunkulu ngenhlitiyo lecinisile, nangekwetsemba lokuphelele kwekukholwa, tinhlitiyo tetfu tinyenyetiwe tahlanjululwa kunembeza lomubi, nemitimba yetfu igeziwe ngemanti lahlobile.

Kubase-Efesu 5:26

kuze atelingcwelisa alihlambulule ngesigezo semanti, ngelivi,

1 kubaseKorinthe 6:11

Babenjalo labanye emkhatsini wenu. Kodvwa-ke nyalo senagezwa, nangcweliswa, nemukeleka kuNkulunkulu kutsi nilungile egameni leNkhosi Jesu Khristu nangaMoya waNkulunkulu wetfu.

Imisebenti yebaPhostoli 22:16

Pho, usebanjwe yini? Sukuma ubhajatiswe, utsetselelwe tono takho, ukhuleke egameni lakhe.’ ”

2 Emakhosi 3:11

Kodvwa Jehoshafati wabuta, watsi: “Kute yini lapha umphrofethi waSimakadze, kuze siyewubuta ngaye kuSimakadze?” Indvuna yenkhosi yaka-Israyeli yaphendvula, yatsi: “Elisha, umsa waShafati, ulapha. Abevamise kutsela emanti etandleni ta-Elija.”

1 Samuweli 25:41

Abigayili wakhotsama abhekise buso bakhe phansi, watsi: “Nansi incekukati yakho, ilungele kukukhonta, nekugeza tinyawo tetinceku tenkhosi yami.”

Levithikusi 14:8

“Umuntfu lohlanjululwako kufanele ageze timphahla takhe, ahhule tonkhe tinwele, ageze umtimba wakhe emantini, bese uyahlambuluka-ke. Emvakwaloko angancandzeka abuyele enkambu, ahlale ngaphandle kwelithende lakhe kuze kuphele emalanga lasikhombisa.

1 yaJohane 5:6

Nguye Jesu Khristu loweta ngemanti nangengati; kungesiko ngemanti odvwana kepha ngemanti nangengati, naMoya ungufakazi ngobe Moya uliciniso.

1 yaJohane 1:7

Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.

Johane 19:34

Lomunye wemasotja wagwaza Jesu emhlubulweni, masinyane nje kwageleta emanti nengati.

Lukha 7:38

wafike wema emvakwaJesu, ngasetinyaweni takhe akhala, taze tinyawo taJesu taba manti tinyembeti. Watesula ngetinwele takhe lomfati, watanga, watitsela ngemakha.

Zakhariya 13:1

“Ngalelo langa umtfombo uyawuvulekela indlu yakaDavide kanye nalabo labahlala eJerusalema, kutsi utewubahlanta esonweni nasekungcoleni.

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Sembulo 1:5

nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,

Isaya 1:16

gezani, nibe ngulabahlantekile. Susani tento tenu letimbi embikwami! Yekelani kwenta lokubi,

Eksodusi 29:4

“Uboletsa bo-Aroni kanye nemadvodzana akhe bete ekungeneni kwelithende lekuhlangana, bese ubageza ngemanti.

Johane 13:10

Jesu watsi: “Lowo logezile akadzingi lutfo lolunye kuphela kugezwa tinyawo. Kepha ugezekile wonkhe. Nine-ke senigezekile, kodvwa hhayi nonkhe.”

Johane 13:8

Phetro watsi kuye: “Nkhosi, ungeke ugeze tinyawo tami nekadzeni.” Jesu wamphendvula watsi: “Nangingatigezi tinyawo takho, ute budlelwane nami.”

Genesisi 43:24

Lendvuna yawatsatsa lamadvodza yawangenisa endlini kaJosefa, yawanika emanti, ageza tinyawo tawo, yabe seyipha netimbongolo tawo kudla.

Tikhulu 19:21

Ngako labatsatsa layawubangenisa endlini kalo; lapha naletimbongolo tabo tjani, tadla. Batsi nase bacedzile kugeza tinyawo tabo, base bahlala phansi, badla banatsa.

Johane 13:6

Wefika kuSimoni Phetro, yena watsi kuJesu: “Nkhosi, wena utawugeza tinyawo tami?”