Johane 13:1 - Siswati 1996 Bible

¹ Kwatsi sekutakusa kube lilanga lelilandzelwa nguMkhosi weliPhasika, Jesu ati kutsi sikhatsi sakhe sesifikile sekutsi awushiye lomhlaba aye kuYise, njengobe abebatsandzile bakhe emhlabeni, wabatsandza kwaze kwaba ngusekugcineni.

Johane 13:1 ပူးပေါင်းရင်းမြစ်များ

Taga 8:31

Ngangidlalisela umhlaba wakhe, ngijabulela bantfu bonkhe.

Jeremiya 31:3

Simakadze wabonakala kitsi kadzeni, watsi: “Ngikutsandze ngelutsandvo lwaphakadze, futsi ngisachubeka nekukunakekela ngemusa.

Matewu 26:45

Jesu wefika kubafundzi bakhe watsi: “Nisalele namanje, niyaphumula? Bukani-ke, sikhatsi sesisondzele, iNdvodzana yeMuntfu seyiniketwe etandleni tetoni.

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Lukha 22:53

Nganginani onkhe emalanga ethempelini, anizange netame kungibopha. Kodvwa lesikhatsi senu nesemandla ebumnyama.”

Lukha 9:51

Sekusele emalangana ekutsi Jesu atsatfwe ayiswe ezulwini, watimisela kutsi aye eJerusalema.

Johane 11:55

Umkhosi wemaJuda weliPhasika bese usedvute. Bantfu labanyenti lababephuma emaphandleni, bakhuphukela eJerusalema, liPhasika lingakacali, bentela kutetihlambulula.

Johane 12:23

Jesu wabaphendvula watsi: “Sesifikile sikhatsi sekutsi iNdvodzana yeMuntfu ikhatimuliswe.

Johane 13:29

Labanye bacabanga kutsi njengobe Judasi abengumphatsisikhwama, Jesu abetsi kuye akayewutsenga loko lababetakudzinga emkhosini, nome aphe timphuya lokutsite.

Johane 13:3

Jesu ati kutsi uYise abesanikele konkhe etandleni takhe, nekutsi abephuma kuNkulunkulu, futsi aya kuNkulunkulu,

Johane 13:34

Ngininika umyalo lomusha wekutsi: Njengobe nami nginitsandzile, nani tsandzanani.

Johane 14:28

Ningivile ngitsi kini: ‘Ngiyahamba, kodvwa ngitawubuya ngite kini.’ Kube beningitsandza, ngabe niyajabula kutsi ngiya kuBabe, ngobe Babe mkhulu kunami.

Johane 14:31

Kodvwa konkhe loku kwentekela kutsi live lati kutsi Babe ngiyamtsandza, nekutsi ngenta njengobe yena angiyalile. “Sukumani, sambe!”

Johane 16:28

Ngaphuma kuBabe ngeta emhlabeni; manje sengiyawushiya futsi lomhlaba, sengibuyela kuBabe.”

Johane 17:1

Jesu watsi kube acedze kukhuluma lamavi, wabheka etulu watsi: “Babe, sikhatsi sesifikile. Khatimulisa iNdvodzana yakho, kuze iNdvodzana itekukhatimulisa.

Johane 17:16

Njengobe nami ngingesiye walelive, nabo abasibo balelive.

Johane 17:26

Ngibatisile libito lakho, futsi ngisetawuchubeka ngente njalo, kuze kutsi lutsandvo longitsandze ngalo lube khona nakubo, nami ngibe kubo.”

Johane 17:5

Manje-ke, Babe, ngikhatimulise kuwe ngaleyo nkhatimulo lenganginayo ngisenawe, umhlaba ungakasekelwa.

Johane 18:4

Ngako Jesu, akwati konkhe lokwakutamehlela, wasondzela embikwabo watsi: “Nifuna bani?”

Johane 19:28

Ngaleso sikhatsi Jesu besati kutsi konkhe sekuphelele, kuze kugcwaliseke umBhalo, watsi: “Ngomile.”

Johane 2:13

Besekusondzele sikhatsi seMkhosi weliPhasika lemaJuda, ngako Jesu wakhuphukela eJerusalema.

Johane 6:4

UMkhosi wemaJuda weliPhasika bese usedvute.

Johane 7:30

Ngako base bafuna kumbamba, kodvwa kute lowake wambeka sandla, ngobe sikhatsi sakhe sasisengakefiki.

Johane 7:6

Waphendvula Jesu watsi: “Sikhatsi sami asikefiki, kodvwa kini sonkhe sikhatsi silungile.

Johane 8:20

Jesu wakusho konkhe loku ngesikhatsi afundzisa asethempelini, lapho kwakubekwe khona emabhokisi eminikelo. Kute lowambopha, ngobe sikhatsi sakhe sasisengakefiki.

KubaseRoma 8:37

Kepha kuko konkhe loku siyancoba nekuncoba ngaye lowasitsandza.

1 kubaseKorinthe 1:8

Yena uyawunicinisa nani, kudzimate kube ngusekupheleni, nitfolakale nite licala mzukwana welilanga leNkhosi yetfu Jesu Khristu.

KumaHebheru 3:14

Ngobe sihlanganyela naKhristu kuphela, nasibambelele etsembeni letfu lakucala kuze kube ngusekupheleni.

KumaHebheru 3:6

Kodvwa Khristu wetsembeka njengeNdvodzana endlini yaNkulunkulu. Tsine-ke siyindlu yaNkulunkulu, nasibambelele ngesibindzi etsembeni letfu [kuze kube ngusekupheleni].

KumaHebheru 6:11

Sifisa shangatsi ngulowo nalowo kini angakhombisa loko kushisekela, nekuciniseka etsembeni lenu, kuze kube ngusekugcineni.

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.

1 yaJohane 4:19

Tsine sitsandza, ngobe kwacala yena wasitsandza.

Sembulo 1:5

nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,