Johane 12:42 - Siswati 1996 Bible

⁴² Noko-ke labanyenti ngisho nakutiphatsimandla bakholwa kuJesu, kodvwa ngenca yekwesaba baFarisi abazange bafakaze ngako, ngobe bebangahle bancunywe esinagogeni.

Johane 12:42 ပူးပေါင်းရင်းမြစ်များ

Isaya 51:7

“Ngilaleleni, nine lenati kutsi kuyini lokulungile, nine bantfu leninemtsetfo wami etinhlitiyweni tenu: Ningakwesabi kusolwa bantfu, ningetfuswa ngisho natinhlamba tabo.

Johane 9:22

Batali bakhe bakusho loko ngobe bebesaba emaJuda. Phela abesavumelene ngekutsi lotawufakaza kutsi Jesu unguKhristu, abeyawuncunywa esinagogeni.

Johane 7:13

Noko bekute labekhulumela etulu, ngobe babesaba emaJuda.

Taga 29:25

Kwesaba bantfu kulugibe; kodvwa lowo lowetsembekile kuSimakadze ulondvolotekile.

Matewu 10:32

“Ngako-ke wonkhe loyawungivuma embikwebantfu, nami ngiyawumvuma embikwaBabe losezulwini.

1 yaJohane 4:15

Lowo lovuma kutsi Jesu uyiNdvodzana yaNkulunkulu, Nkulunkulu uhlala kuye, naye uhlala kuNkulunkulu.

1 yaJohane 4:2

Moya waNkulunkulu niyawumati ngaloku: Wonkhe umoya lovumako kutsi Jesu Khristu wefika waba ngumuntfu, yena unguMoya waNkulunkulu.

KubaseRoma 10:10

Ngobe umuntfu uyakholwa ngenhlitiyo entiwe emukeleke kuNkulunkulu kutsi ulungile, avume ngemlomo wakhe kube kusindziswa kwakhe.

Imisebenti yebaPhostoli 5:41

Baphostoli balishiya Liqoqo, batfokota kakhulu ngekwetfwala lihlazo ngenca yelibito laJesu.

Johane 19:38

Emvakwaloko Josefa, labewase-Arimathiya, wacela sidvumbu saJesu kuPhilatu. Josefa phela abengumfundzi waJesu, kodvwa abetifihla ngenca yekwesaba emaJuda. Philatu wamvumela, ngako wasitsatsa sidvumbu saJesu.

Johane 16:2

Bayakunincuma emasinagogeni. Yebo, sikhatsi siyeta, lapho bayawunibulala, bacabange kutsi basebentela Nkulunkulu.

Johane 12:11

ngobe ngenca yekuvuswa kwakhe emaJuda lamanyenti abesabahlubukile akholwa kuJesu.

Johane 11:45

EmaJuda lamanyenti labevakashele Mariya ambona Jesu nakwenta loko, ase ayakholwa kuye.

Johane 9:34

Bayiphendvula batsi: “Wena watalelwa esonweni; wena futsi sewufundzisa tsine?” Base bayincuma esinagogeni labo.

Johane 3:2

Weta kuJesu ngalobunye busuku, wefike watsi: “Mfundzisi, siyati kutsi wena ungumfundzisi lophuma kuNkulunkulu. Ngobe kute umuntfu longenta timangaliso letingaka, nakate Nkulunkulu.”

Lukha 12:8

“Nginitjela kutsi: Longivuma embikwebantfu kutsi wami, iNdvodzana yeMuntfu nayo iyawumvuma embikwetingilosi taNkulunkulu.

Lukha 6:22

“Nibusisiwe, bantfu nabanitondza banishalatela ngekuninyembenya, banetfuka banigceke batsi anikalungi, ngenca yeNdvodzana yeMuntfu.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Jeremiya 38:19

Inkhosi Sedekiya yakhuluma kuJeremiya, yatsi: “Ngiyawesaba lamaJuda lasahlubuke aya kumaBhabhulona, ngobe encenye laba baseBhabhulona bangahle banginikele kuwo, afike angiphatse kabi.”

Lukha 23:13

Philatu wabita umhlangano webaphristi labakhulu, nebaholi, nebantfu.

Johane 7:31

Kodvwa labanyenti kulesicumbi bakholwa nguye batsi: “Nasefikile Khristu, uyakwenta tibonakaliso letinyenti letendlula leti letentiwe ngulona yini?”