Johane 10:33 - Siswati 1996 Bible

³³ EmaJuda amphendvula atsi: “Kute umsebenti lomuhle lesifuna kukugcobela wona, kuphela nje kutsi wena uyahlambalata; ungatsi kantsi ungumuntfu nje nawe, ube sewutenta Nkulunkulu!”

Johane 10:33 ပူးပေါင်းရင်းမြစ်များ

Johane 5:18

Kwaba shangatsi uwabangile emaJuda ngaloko kusho njalo kwakhe, afuna kumbulala kakhulu kunakucala, ngobe abengakephuli liSabatha kuphela, kodvwa waphindze watsi Nkulunkulu nguYise, watenta lolingana naNkulunkulu.

Levithikusi 24:16

Lowo lohlambalata libito laSimakadze uyawubulawa. Sive sonkhe siyawumgcoba ngematje. Yebo, nome lomuntfu wetive nome angum-Israyeli wengati, kodvwa nahlambalata libito laSimakadze, uyawubulawa.

Johane 10:30

Mine naBabe simunye.”

KubaseFiliphi 2:6

lowatsi anesimo saNkulunkulu, wangete washo kutsi kulingana naNkulunkulu kuyintfo yekunkonkoshelwa.

KubaseRoma 13:1

Wonkhe umuntfu kufanele atitfobele ngenhlonipho tiphatsimandla tembuso, ngobe kute emandla embuso langaveli kuNkulunkulu, naleto tiphatsimandla letikhona tibekwe nguNkulunkulu.

Tihlabelelo 82:6

Ngatsi kini: ‘Nibonkulunkulu nine; nonkhe ningemadvodzana aLosetikwako Konkhe.’

1 Emakhosi 21:10

Kodvwa nibobe senihlalisa emahuzu lamabili embikwakhe, niwente afakaze kutsi ucalekise Nkulunkulu nenkhosi, bese nimkhiphela ngephandle, nimgcobe ngematje, aze afe.”

Levithikusi 24:14

“Mkhipheleni ngaphandle kwenkambu lomhlambalati, bese kutsi bonkhe laba labamvile babeke tandla etikwenhloko yakhe, sive sonkhe simtselekele simgcobe ngematje.

Johane 10:24

Ase ayamkaka emaJuda atsi: “Kutawudzimate kube ngunini solomane usibambelela wena, ulibatisa tinhlitiyo tetfu? Nangabe unguKhristu sitjele ngalokuvakalako.”

Johane 10:32

Jesu wawaphendvula watsi: “Minyenti imisebenti lengiyente embikwenu lengiyinikwe nguBabe. Ngumuphi-ke lona lenifuna kungigcobela wona ngalamatje?”

Johane 19:7

EmaJuda amphendvula atsi: “Tsine sinemtsetfo: Ngalowo mtsetfo lomuntfu kufanele afe, ngobe utenta iNdvodzana yaNkulunkulu.”