Jobe 9:32 - Siswati 1996 Bible

³² “Nkulunkulu akasiye umuntfu njengami kutsi bengingaze ngiphendvulane naye, nekutsi bengingabukana naye buso nebuso enkhundleni.

Jobe 9:32 ပူးပေါင်းရင်းမြစ်များ

Jobe 33:12

“Kodvwa ngiyakutjela ngitsi: Kuloku uyalahleka, ngobe Nkulunkulu mkhulu kunemuntfu.

Jobe 33:7

Ngako-ke akukadzingeki kutsi ungesabe, sandla sami ngeke sibe matima etikwakho.

Jobe 9:14

“Mine-ke ngingaphindzilitana kanjani nalonjalo? Ngingawatfolaphi wona emavi ekuncakulisana naye?

Jobe 9:19

Nangabe kukhulunywa ngetemandla, unemandla! Nangabe kukhulunywa ngetekulunga, ngubani longahle abhejelane naye?

Jobe 9:3

Umuntfu nome abengafisa kuphindzilitana naye, abengeke akhone kuphendvula ngisho munye emibutweni yakhe leyinkhulungwane.

Jobe 9:31

Nkulunkulu abetangifaka emgodzini weludzaka lwekungcola, kuze ngisho netimphahla tami tingenyanye.

Tihlabelelo 143:2

Ungangibeki licala mine, nceku yakho, ngobe kute umuntfu lomsulwa kuwe.

Umshumayeli 6:10

Konkhe lokukhona sekwetsiwa libito lako, nemvelo yemuntfu iyatiwa. Kute umuntfu longamelana nalonemandla kunaye.

Isaya 45:9

Maye kulowo lolwa neMenti wakhe, kuye lowo loludzengelo nje emkhatsini wetindzengelo temhlaba. Libumba like lisho yini kumbumbi walo litsi: ‘Ubumbani?’ Umsebenti wakho ungake usho yini utsi: ‘Ute tandla’?

Jeremiya 49:19

“Njengelibhubesi nalichamuka emahlatsini aseJordane liya eveni lelinemadlelo laluhlata, ngiyawubatuma base-Edomu, ngibacoshe eveni labo. Ngubani lokhetsiwe, lengiyawumbekela loku? Ngubani lonjengami? Kona nje ngubani longangicela insayeya? Ngumuphi umelusi longamelana nami?

Numeri 23:19

Nkulunkulu akasiye umuntfu kutsi angacala emanga, futsi akasiyo indvodzana yemuntfu legucukako engcondvweni yayo. Uyakhuluma yini angabe asenta? Uyetsembisa yini angabe asasifeza setsembiso sakhe?

KubaseRoma 9:20

Kodvwa-ke wena muntfu-ndzini, ungubani kutsi ungaphikisana naNkulunkulu? Ludziwo lungasho yini kumbumbi walo kutsi: “Wangibumbelani kanje?”

1 yaJohane 3:20

ngekutsi nangabe nembeza wetfu asilahla, Nkulunkulu mkhulu kunanembeza wetfu, futsi wati konkhe.

1 Samuweli 16:7

Kodvwa Simakadze wakhuluma kuSamuweli, watsi: “Ungabheki kubukeka nebudze bakhe, ngobe yena ngimalile. Simakadze akabuki tona tintfo letinakwa ngumuntfu. Umuntfu ubuka lingaphandle lemuntfu, kodvwa Simakadze ubuka inhlitiyo.”