Jobe 9:15 - Siswati 1996 Bible

¹⁵ Nome bengingaba msulwa kangaka, bengiyawubate imphendvulo kuye. Lebengingakwenta nje bengingamane ngitincengele kuye, ngilale tibutsa kuMehluleli wami, ngicele umusa wakhe.

Jobe 9:15 ပူးပေါင်းရင်းမြစ်များ

2 Tikhronike 33:13

Watsi nakathandaza kuye, Simakadze watsintseka ngalokuncusa kwakhe, wakulalela kutincengela kwakhe, wase umbuyisela emuva eJerusalema nasembusweni wakhe. Kusukela lapho-ke Manase wati kutsi Simakadze nguNkulunkulu.

Jobe 10:15

Nako kimi nangabe ngingulomubi! Nome ngabe anginacala, bengingeke ngiyetfwale inhloko yami, ngobe ngigcwele emahloni, kuhlupheka kwami kuyangicwilisa.

Jobe 10:2

Ngitawutsi kuNkulunkulu: Ungangilahli, kodvwa ngitjele kutsi cala lini longibeka lona.

Jobe 22:27

Uyawuthandaza kuye, naye akuve, bese ugcwalisa tetsembiso takho.

Jobe 23:7

Abeyawubona naye kutsi umelene nemuntfu lowetsembekile, nakanjani kumehluleli wami bengitawutfolakala ngite licala.

Jobe 40:5

Ngakhuluma kanye, kodvwa angisenamphendvulo, kabili, kodvwa angisenakusho lutfo.”

Jobe 5:8

“Kodvwa kube bekungimi, ngabe ngiyatincengela kuNkulunkulu, ngabe ngibeka yonkhe indzaba yami embikwakhe.

Jobe 8:5

Kodvwa wena nawungabuka kuNkulunkulu, utincengele kuSomandla,

Jobe 9:16

Ngisho nome bengingambita avume ete, angiboni kutsi abengangilalela.

Jobe 9:20

Ngisho nome bengimsulwa, umlomo wami bewungangilahla. Nome ngabe bengingenakusoleka, bewutakutsi nginelicala.

Jobe 9:21

“Ngisho naloku ngimsulwa nje, ngingenasici, anginandzaba nalomtimba wami. Kwamine ngiyayeya imphilo yami.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Danyela 9:18

Awu Nkulunkulu wami, mane ubeke indlebe, uve, vula emehlo akho ubone kubhidlitwa kwetfu nekwelidolobha lelibitwa ngeLibito lakho. Asiletsi kuncusa kwetfu kuwe, ngobe tsine silungile, kodvwa kungenca yemusa wakho lomkhulu.

Danyela 9:3

Ngako ngagucukela kuSimakadze longuNkulunkulu ngamncenga ngemthandazo nangekuncusa ngizila kudla, ngembatse emasaka, ngatitsela ngemlotsa.

1 kubaseKorinthe 4:4

Ngobe angitikhobosi ngalutfo ngekwami, noko-ke akusho kutsi loko kungenta ngemukeleke kuNkulunkulu kutsi ngilungile. Kodvwa yiNkhosi lengehlulelako.

1 yaPhetro 2:23

Kwatsi etfukwa, wangete waphindzisela ngenhlamba; kwatsi ahlushwa, wangete wasongela. Kodvwa watinikela kuNkulunkulu lowehlulela ngekulunga.