Jobe 7:6 - Siswati 1996 Bible

⁶ “Emalanga ami agijima njengembane, efike ekugcineni asangasenalo litsemba.

Jobe 7:6 ပူးပေါင်းရင်းမြစ်များ

Jobe 13:15

Nome angangibulala, noko ngitakwetsembela kuye. Nakanjani ngitatikhulumela embikwakhe ngetindlela tami.

Jobe 14:19

nanjengobe emanti agugisa litje, nesihhuhhula semvula sikhukhula umhlaba, kanjalo nelitsemba lemuntfu wena ulibulala, life nya.

Jobe 16:22

“Sekusele iminyakana nje lembalwa kutsi yendlule, bese nami ngingenela indlela lekuhanjwa ngayo ungaphindzi ubuye ngayo futsi.”

Jobe 17:1

“Umoya wami wephukile, emalanga ami ajutjiwe aba mafisha, sengimelwe lithuna.

Jobe 17:11

Emalanga ami asendlulile, tinhloso tami setephukile, kanjalo tifiso tenhlitiyo yami tehlulekile.

Jobe 17:15

ngabe likuphi litsemba lami? Ngubani nje longalibona litsemba lami?

Jobe 17:16

Litakwehla yini liye emasangweni ekufa? Sitakwehlela elutfulini kanyekanye yini?”

Jobe 19:10

Ungidladlabula ngala nangala ngize ngingabikho, uzuphuna litsemba lami njengelukhula.

Jobe 6:11

“Mandlana mani mine lenginawo, kutsi ngisengachubeka ngetsembe? Tsemba lini lengisenalo kutsi ngisengabeketela?

Jobe 9:25

“Emalanga ami agijima ashiye inyosi, andiza abaleke angasakuboni nakancane nje lokujabulisako.

Tihlabelelo 102:11

Emalanga ami anjengesitfunti sentsambama, ngiyabuna njengetjani.

Tihlabelelo 144:4

Umuntfu ufanana nemoya nje; emalanga ekuphila kwakhe afanana nesitfunti lesendlulako.

Taga 14:32

Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.

Jeremiya 2:25

Ungagijimi kuze kudzabuke ticatfulo takho nemphimbo wakho uze wome. Kodvwa wena watsi: ‘Akusiti lutfo! Ngiyatitsandza tithico tebetive, futsi tona ngitatilandzela.’ ”

Kubase-Efesu 2:12

Nikhumbule nekutsi ngaleto tikhatsi benehlukanisiwe naKhristu, ningephandle kwembuso waka-Israyeli, nitihambi letite sabelo etivumelwaneni tesetsembiso, nite litsemba, nite naNkulunkulu emhlabeni.

YaJakobe 1:11

Lilanga liphuma libalele libunise tjani, imbali yabo iyahhohloka, nebuhle bayo bunyamalale; kanjalo-ke nesicebi siyawunyamalala ekushiphanekeni kwaso.

YaJakobe 4:14

Ningakusho kanjani loko, njengobe ningalati likusasa lekuphila kwenu kutsi litawuba yini? Ngobe kuphila kwenu kunjengenkhungu, lechamuka ibonakale sikhashana, iphindze inyamalale.

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.

1 yaPhetro 1:24

Ngobe umBhalo utsi: “Wonkhe umuntfu ufanana netjani; nebukhosi bakhe bunjengembali yesiganga; tjani buyabuna, nembali yabo iyahhohloka.