Jobe 7:18 - Siswati 1996 Bible

¹⁸ ngekutsi umvakashele onkhe malanga ekuseni, umvivinye ngawo onkhe ematfuba?

Jobe 7:18 ပူးပေါင်းရင်းမြစ်များ

Genesisi 22:1

Emvakwaloko Nkulunkulu wavivinya Abrahama, watsi kuye: “Abrahama! Ye, Abrahama!” Waphendvula watsi: “Ngilapha, Nkhosi!”

Jobe 14:3

Ungawabeka yini emehlo akho entfweni lenjengami? Kona ungangiletsa yini embikwakho utengehlulela?

Jobe 23:10

Kodvwa yena uyayati indlela lengiyitsatsako; utawutsi angangivivinya, ngiphume sengiyigolide.

Tihlabelelo 73:14

Ngihlushwa sonkhe sikhatsi, ngitsetsiswe onkhe emalanga.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Eksodusi 32:34

Hamba-ke uyewuhola labantfu ubayise kulendzawo lengikhulume ngayo kuwe, ingilosi yami itawuhamba embikwakho. Kodvwa siyeta sikhatsi lapho ngitawubajezisa ngenca yekona kwabo.”

Isaya 26:14

Nyalo asafile lawo makhosi, akasaphili, lowo moya wawo lowanyamalala awube usaphindza uvuke. Wawajezisa wawabhubhisa, wesula konkhe kukhunjulwa kwawo.

Jeremiya 9:7

Ngako-ke naku lokushiwo nguSimakadze longuSomandla, utsi: “Buka la, ngitabavivinya ngibacolisise, ngobe yini lenye lengingayenta macondzana nesono sebantfu bami?

Danyela 12:10

Labanyenti bayawuhlanjululwa babe msulwa, bacengisiswe kahle bangabi nasici, kodvwa lababi bayawuchubeka babe babi kakhulu. Kute namunye walababi loyawukuvisisa, kodvwa laba labahlakaniphile bayawukuvisisa kahle.

Zefaniya 3:5

Simakadze ulungile ekhatsi kwalelidolobha; akenti lutfo lolungakalungi. Kusa ngekusa bantfu bakhe ubaphatsa ngekungakhetsi, kulelo nakulelo langa lelisha akayekeli kwehlulela ngebucotfo, noko labangakalungi abalati lihlazo.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Dutheronomi 8:16

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.