Jobe 6:27 - Siswati 1996 Bible

²⁷ Nitawuze nente inkatho, nentele longenayise, nitsengise ngekuntjintjiselane ngemngani wenu.

Jobe 6:27 ပူးပေါင်းရင်းမြစ်များ

Jobe 22:9

Wahambisa bafelokati yabayaba, wapitjita emandla alabatintsandzane.

Jobe 24:3

Bacosha imbongolo yentsandzane, batsatse nenkhabi yemfelokati ibe sibambiso.

Jobe 24:9

Umntfwana longenayise uyahlutfulwa ebeleni, luswane lwalomphofu lutsatselwe kubhadala sikwelede.

Jobe 29:12

ngobe ngangisindzisa labamphofu lababekhala bacele lusito kimi, netintsandzane letatite boyise lababengatisita.

Jobe 31:17

nangabe ngatigodlela mine kudla kwami, ngangete ngahlephulelana nalabatintsandzane,

Jobe 31:21

nangabe ngake ngaphakamisa sandla sami etikwaloyintsandzane, ngati kahle kutsi mine ngiyalalelwa enkhundleni,

Tihlabelelo 57:6

Tinyatselo tami batibekele lugibe, umphefumulo wami ushone phansi. Bembe umgodzi wekungihholokoshisela endleleni yami, kodvwa sekuhholokoshele bona. Cabanga.

Tihlabelelo 7:15

Umba umgodzi wekuhholokoshisela labanye, bese kuhholokoshela yena kulomgodzi lawumbile.

Tihlabelelo 82:3

“Vikelani emalungelo alabamphofu netintsandzane, nimele emalungelo alabacindzetelwe nalabeswele.

Eksodusi 22:21

“Ningacali nisiphatse kabi nome nisigcilate sihambi, ngobe nani nake naba tihambi eveni laseGibhithe.

Jeremiya 18:20

Kufanele yini kutsi lokuhle kukhokhelwe ngalokubi? Noko bangimbele umgodzi. Khumbula kutsi ngema embikwakho ngabancengela kuwe kutsi ngincandze lulaka lwakho kubo.

Jeremiya 18:22

Akuvakale kukhala emakhaya abo, ngesikhatsi nawutfumela bahlaseli kubo, ngobe bangimbele umgodzi wekungigcumukisela, bangibekele tingibe tekungigila.

Hezekeli 22:7

Kuwe tikhulu tabaphatsa kabi boyise, nabonina tabedzelela; ekhatsi kuwe tabacindzetela betive, taphatsa kabi intsandzane nemfelokati.

Joweli 3:3

Sive sami tehlukaniselana ngaso ngenkatho, tatsengisa ngebafana, kuze titewukhokhela tingwadla; tatsengisa ngemantfombatana, kuze kutsi titewutsenga liwayini tinatse.

Nahume 3:10

Noko, yatfunjwa yesuswa eveni layo, yadzingiswa. Bantfwabayo labancane bashaywa baphihlitwa kuwo onkhe emakona etitaladi, baholi bayo bashayelwa inkatho; bonkhe bahlonishwa bayo baboshwa ngetinketane.

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.