Jobe 6:14 - Siswati 1996 Bible

¹⁴ “Umuntfu losaphelelwa litsemba kufanele akhutsatwe bangani bakhe labetsembekile, nakhona asakufulatsela kwesaba Somandla.

Jobe 6:14 ပူးပေါင်းရင်းမြစ်များ

Genesisi 20:11

Abrahama wamphendvula watsi: “Ngikwente ngobe ngicabange ngatsi: ‘Akukho kwesaba Nkulunkulu kulendzawo, ngako batangibulala ngenca yalomfati wami.’

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Jobe 15:4

Kodvwa ukubukela phansi kwesaba Nkulunkulu, uvimbele kuthandaza kuye.

Jobe 16:5

Kodvwa umlomo wami bewunganikhutsata. Indvudvuto lebeyingaphinyiselwa tindzebe temlomo wami beyingaba kuphumula emiphefumulweni yenu.

Jobe 19:21

“Mane sale ningihawukela, bangani bami, mane sale nihawukela mine, sandla saNkulunkulu singinhlakayile.

Taga 17:17

Umngani unelutsandvo ngaso sonkhe sikhatsi; kantsi umnakenu utalelwe kutsi netfwalisane naye tinhlupheko.

Taga 25:19

Kwetsembela kumuntfu longetsembeki ngesikhatsi lesibucayi kufanana nekwetsemba litinyo lelibolile nome kwetsemba lunyawo lolwenyele.

Zakhariya 7:9

“Naku lokushiwo nguSimakadze longuSomandla, utsi: ‘Yehlulelani ngekwemtsetfocotfo, niphatsane ngemusa nangeluvelo kulowo nakulowo.

Lukha 23:40

Lesi lesinye sasekhuta, satsi: “Awumesabi yini Nkulunkulu? Naku silapha sonkhe ngesigwebo lesifanako.

KubaseRoma 12:15

Nijabule nalabajabulako, nikhale nalabakhalako.

1 kubaseKorinthe 12:26

Nangabe kuhlupheka sitfo sinye, kuhlupheka titfo tonkhe kanye naso; nangabe kudvunyiswa sitfo sinye, kujabula titfo tonkhe kanye naso.

2 kubaseKorinthe 11:29

Nakukhona lobutsakatsaka, angitfwalisani naye yini kulobutsakatsaka bakhe? Nakukhona lowako ekukholweni, angimveli buhlungu yini?

KubaseGalathiya 6:2

Tfwalisanani imitfwalo yenu, kuze nigcwalise umtsetfo waKhristu.

KumaHebheru 13:3

Bakhumbuleni labasemajele, kube shangatsi nani niboshwe kanye nabo. Nibakhumbule nalabo labaphetfwe kabi, kube shangatsi nihlupheka kanye nabo.