Jobe 5:25 - Siswati 1996 Bible

²⁵ Uyawukwati kutsi bantfwabakho bayawuba banyenti, nebatukulu bakho bayawuba ngangetjani besiganga.

Jobe 5:25 ပူးပေါင်းရင်းမြစ်များ

Genesisi 13:16

Titukulwane takho ngiyawutenta tibe ngangelutfuli lwemhlaba, kangangekutsi nakukhona longabala lutfuli lwemhlaba, netitukulwane takho angatibala.

Genesisi 15:5

Simakadze wamkhiphela ngaphandle watsi: “Buka etulu esibhakabhakeni ubale tinkhanyeti, nawungatibala.” Wachubeka watsi kuye: “Nentalo yakho-ke iyawuba ngako.”

Tihlabelelo 112:2

Intalo yakhe iyawuba nemandla emhlabeni; situkulwane salabacotfo siyakubusiswa.

Tihlabelelo 72:16

Shangatsi kungaba nenala emasimini, lenala isibekele ticongo tetintsaba, kube tiphihli, sincane setihlahla taseLebanoni. Shangatsi lamadolobha angagcwala bantfu, babe ngangetjani.

Isaya 48:19

Titukulwane tenu ngabe tingangetihlabatsi. Bantfwabenu ngabe bangangetinhlavu letingenakubalwa, emabito abo abengayiwuncanyulwa lutfo, abengayiwubhujiswa embikwami.”

Levithikusi 26:9

Ngiyawunibusisa, nginiphe bantfwana labanyenti, nandze; sivumelwane lengisenta nani ngiyawusigcina ngisifeze.

Dutheronomi 28:4

“Sitselo sesisu senu siyawubusiswa, nesivuno selive lenu, nemazinyane etifuyo, nemankhonyane emihlambi yenu, nemazinyane etimvu tenu newetimbuti tenu.