Jobe 5:21 - Siswati 1996 Bible

²¹ Uyawuvikeleka ekushayweni ngemagama, ungesabi nome kufika imbhubhiso.

Jobe 5:21 ပူးပေါင်းရင်းမြစ်များ

Jobe 5:15

Usindzisa labeswele emlonyeni wekufa, abasindzise nasetidladleni talabo labanemandla sebababambile.

Tihlabelelo 31:20

Ubafihla ekusitsekeni kwebukhona bakho, baphephe kulabo lababakhela lugibe; ubabhacisa endlini yakho, baphephe etinkhulumeni tembango.

Tihlabelelo 31:21

Akadvunyiswe Simakadze, ngobe umusa wakhe lomangalisako uwentile kimi ngesikhatsi bangivimbetela edolobheni.

Tihlabelelo 55:21

Inkhulumo yakhe ishelelisa kwelibhotela, noko inhlitiyo yakhe ifukamele imphi, emavi akhe atsambe kwengca emafutsa, noko atinkemba letilindzele kugwaza.

Tihlabelelo 57:4

Ngisemkhatsini wemabhubesi, labantfu labashwabudzelanako. Ematinyo awo atikhali nemicibisholo, tilwimi tawo tinkemba letikhaliphako.

Taga 12:18

Emavi lakhulumeke ngebudlabha ahlaba njengesikhali; kodvwa emavi lakhulumeke ngekuhlakanipha ayaphilisa.

Taga 3:25

Ungesabi kutunywa yinhlekelele yengoti nekuhlaselwa bantfu lababi;

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”