Jobe 42:9 - Siswati 1996 Bible

⁹ Ngako Elifazi, umThemani, naBildadi, umShuhi, naSofari, umNama, benta loko Simakadze abebatjele kona; Simakadze wawemukela umthandazo waJobe.

Jobe 42:9 ပူးပေါင်းရင်းမြစ်များ

Genesisi 20:17

Abrahama wathandaza kuNkulunkulu. Nkulunkulu waphilisa Abimeleki, nemkakhe, netisebenti letisikati kuze bonkhe batale bantfwana.

Jobe 2:11

Kwatsi kube bakuve konkhe loko lobekumehlele Jobe, bangani bakhe labatsatfu bo-Elifazi, umThemani, naBildadi, umShuhi, kanye naSofari, umNama, besuka emakhaya abo bahlangana bacondza kuJobe, bayakumlilela nekumdvudvuta.

Jobe 22:27

Uyawuthandaza kuye, naye akuve, bese ugcwalisa tetsembiso takho.

Jobe 22:30

Umuntfu lonelicala uyakumkhulula, amkhulule ngawe, nangabe tandla takho timhlophe.”

Jobe 42:10

Watsi kube Jobe athandazele labangani bakhe, Simakadze wamenta wanjinga futsi; wanjinga ngalokuphindvwe kabili kunakucala.

Jobe 42:8

Ngako-ke tsatsani tinkunzi letisikhombisa netihhanca letisikhombisa, nihambe niye kuJobe, inceku yami, nifike ninikele ngato, tibe ngumnikelo wenu wekushiswa. Jobe, inceku yami, utanithandazela, mine-ke ngitawemukela nalomthandazo wakhe nginganiphatsi kamatima njengalokufanele bulima benu. Anikakhulumi lokuhle ngami njengobe Jobe, inceku yami, akhulumile.”

Umshumayeli 9:7

Hamba udle kudla kwakho ngenjabulo, unatse liwayini lakho ngenhlitiyo lejabulako, ngobe Nkulunkulu uyakuvumela kuloku lokwenta nyalo.

Isaya 60:14

Emadvodzana ebacindzeteli bakho ayawuta kuwe akhotsama, bonkhe laba labakwedzelelako bayawukhotsama etinyaweni takho, bayawukubita batsi uLidolobha laSimakadze, Siyoni waLongcwele waka-Israyeli.

Hezekeli 14:14

ngisho nome nalamadvodza lamatsatfu, boNowa, naDanyela, naJobe bebakulo, bebayakutisindzisa bona kuphela ngekulunga kwabo, kusho iNkhosi Simakadze.

Matewu 7:24

“Ngako-ke wonkhe umuntfu lova lamavi ami awente, ufanana nendvodza lehlakaniphile, leyakha indlu yayo etikwelidvwala.

Johane 2:5

Unina watsi etincekwini: “Nibokwenta konkhe latanitjela kona.”

Imisebenti yebaPhostoli 10:33

Nganonopha ngatfumela kuwe, wavele wavuma ngenhlitiyo lemhlophe kuta njengobe sewulapha nje. Nanyalo sesihlangene sonkhe embikwaNkulunkulu, simele kuva loko iNkhosi lekutfume kona.”

Imisebenti yebaPhostoli 9:6

Sukuma-ke uye kulelo dolobha, lapho utawutjelwa khona lokufanele ukwente.”

KumaHebheru 11:8

Ngekukholwa Abrahama walalela, nakabitwa nguNkulunkulu kutsi aye endzaweni labetawunikwa yona ibe lifa lakhe; waphuma, wahamba, angati lapho aya khona.