Jobe 42:12 - Siswati 1996 Bible

¹² Simakadze imphilo yaJobe yamuva wayibusisa kakhulu kwengca yakucala. Abenetimvu letiti-14 000, nemakamela lati-6 000, netinkhabi letitinkhulungwane letimbili, netimbongolo letiyinkhulungwane.

Jobe 42:12 ပူးပေါင်းရင်းမြစ်များ

Genesisi 24:35

Simakadze uyibusise kakhulu inkhosi yami, injinge kakhulu. Simakadze uyibusise ngemihlambi yetimvu netinkhomo, isiliva negolide, tisebenti letidvuna naletisikati, emakamela kanye netimbongolo.

Genesisi 32:14

timbutikati letingemakhulu lamabili, netiphongo letingemashumi lamabili, netimvukati letingemakhulu lamabili, netihhanca letingemashumi lamabili,

Jobe 1:10

Awukambiyeli ngelutsango yini Jobe kanye nemndeni wakhe nako konkhe lanako? Uwubusisile umsebenti wakhe wetandla, waze wamupha ngisho nemihlambi yetifuyo lesetigcwele kulo lonkhe lelive.

Jobe 1:2

Jobe abenemadvodzana lasikhombisa nemadvodzakati lamatsatfu,

Jobe 1:3

abefuye timvu letatiti-7 000, nemakamela lati-3 000, netinkhabi letiboshelwako letiyinkhulungwane, netimbongolo letinsikati letatingema-500 kanye netisebenti letinyenti kakhulu. Lendvodza yayidvume ngebunjinga lobukhulu, yendlula onkhe emadvodza asemphumalanga.

Jobe 8:7

Konkhe loku lokukulahlekele bekuyawuba lite kakhulu, nase kucatsaniswa naloku bewungakunikwa nguNkulunkulu kamuva.

Tihlabelelo 107:38

Wababusisa, bandza kakhulu, netifuyo tabo tandza kakhulu.

Taga 10:22

Sibusiso saSimakadze lesenta umuntfu acebe, akengeti kuhlupheka kuso.

Umshumayeli 7:8

Siphetfo sentfo sincono kunesicalo sayo, nekubeketela kuncono kuneligcabho.

Hezekeli 36:11

Ngiyakwandzisa sibalo sebantfu nesetilwane kini, yebo, kuyawutalana kwandze. Ngiyawuhlalisa bantfu kini njengaloku kwakwenteka kucala, ngibuye nginente niphumelele ninjinge kakhulu kunakucala. Ngulapho-ke niyawukwati khona kutsi mine nginguSimakadze.

Dutheronomi 8:16

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.

YaJakobe 5:11

Khumbulani phela kutsi ngulabo labaciniselako lesitsi babusisiwe. Nake neva ngekukhutsatela kwaJobe, niyati-ke nekutsi iNkhosi yaletsa siphetfo sini kuye; ngobe iNkhosi inebubele nesihawu lesikhulu.