Jobe 40:12 - Siswati 1996 Bible

¹² buka bonkhe bantfu labatigcabhako, bese uyabatfobisa. Pitjita lababi lapho beme khona.

Jobe 40:12 ပူးပေါင်းရင်းမြစ်များ

Jobe 36:20

Ungabukhaleli busuku kutsi buyawufika nini, sikhatsi lapho tive tonkhe tiyawubhubha tiphele.

Tihlabelelo 60:12

Sitawutincoma ngaNkulunkulu. Nguye lotawugcobagcoba titsa tetfu.

Tihlabelelo 94:2

Phakama, Mehluleli wemhlaba, uphindzisele kubemhlaba labatidlako.

Taga 15:25

Simakadze uyawubhidlita umuti wemuntfu lotigcabhako; kodvwa iminyele yendzawo yemfelokati uyayigcina.

Umshumayeli 11:3

Nangabe emafu agcwele imvula, lemvula ayitfululela etikwemhlaba. Nangabe sihlahla siwe sabheka ngaseningizimu nome ngasenyakatfo, siyawulala ngaleyo ndlela lesiwe ngayo.

Isaya 10:6

Ngilitfumela esiveni lesingenaNkulunkulu, ngilikhiphele kubantfu labangitfukutselisako, kutsi lihlutfule imphango, litsatse lokuphangiwe, nekutsi libagcobagcobe phansi njengeludzaka lwendlela.

Isaya 13:11

“Umhlaba ngiyakuwujezisa ngenca yebubi bawo, ngijezise nalababi ngenca yetono tabo. Ngiyakulicedza ligcabho lalabo labatigcabhako, ngikutfobise kutigcabha kwalabo labanelunya.

Isaya 2:12

Simakadze longuSomandla umise lilanga, ulibekele bonkhe labatigcabhako nalabatiphakamisako, nako konkhe lokuphakanyisiwe, kuze kutfotjiswe;

Isaya 22:19

Ngiyawukwehlisa esikhundleni sakho, ususwe esikhundleni sakho,” kusho Simakadze.

Isaya 23:9

NguSimakadze longuSomandla lokuhlelile kutsi entele phansi ligcabho labo bonkhe bukhatikhati, nekutsi atfobise bonkhe labadvumile emhlabeni.

Isaya 63:3

“Nginyatsele sikhamo seliwayini ngingedvwa; kuto tonkhe tive kute namunye labekanye nami. Ngibagcobagcobile ngentfukutselo yami, ngabapitjita ngelulaka lwami. Ingati yabo yasaphatela tembatfo tami; ngatingcolisa tonkhe timphahla tami.

Jeremiya 48:29

Sivile ngekutigabatisa kwaMowabi, kutigcabha kwakhe lokukhulu, nangelicholo lakhe, ligcabho lakhe, nekutiphakamisa kanye nekutikhukhumeta kwenhlitiyo yakhe.

Danyela 4:24

“Nansi-ke inchazelo yaleliphupho, wena waphakathi, loku simisomtsetfo lesikhishwe nguLongetulu Kwako Konkhe samelana ngco nenkhosi yami.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Danyela 5:20

Kodvwa watsi kube inhlitiyo yakhe ibe nekutigcabha yaba lukhuni ngenca yekutigcabha, wehliswa esihlalweni sakhe sebukhosi, wemukwa ludvumo lwakhe.

Zakhariya 10:5

Nasebahlangene bayawuba njengemadvodza lanemandla lamakhulu, abhocota ludzaka etitaladini nakuliwa imphi. Bayawukulwa bancobe, ngobe Simakadze unabo, bayawuncoba bagibeli bemahhashi.

Malakhi 4:3

Lapho-ke niyawubagcobagcoba phansi lababi; bayawuba lutfuli ngaphansi kwetinyawo tenu ngalelo langa lengiyawulungisa ngalo konkhe,” kusho Simakadze longuSomandla.

Imisebenti yebaPhostoli 1:25

kutsi atsatse sikhundla sekuba ngumphostoli ente lomsebenti loshiywe nguJudasi waya lapho abewakhona.”

KubaseRoma 16:20

Nkulunkulu, longumtfombo wekuthula, uyawumpitjita masinyane Sathane ngaphansi kwetinyawo tenu. Umusa weNkhosi yetfu Jesu awube nani.

1 Samuweli 2:7

Simakadze uyaphuyisa, abuye anjingise. Uyatfobisa, aphindze aphakamise.