Jobe 40:11 - Siswati 1996 Bible

¹¹ Khumula sikhahlo sentfukutselo yakho, bukisisa wonkhe umuntfu lotigcabhako, bese umehlisela phansi,

Jobe 40:11 ပူးပေါင်းရင်းမြစ်များ

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Nahume 1:6

Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.

YaJakobe 4:6

Kodvwa Nkulunkulu wephana ngemusa lomkhulu, ngako umBhalo utsi: “Nkulunkulu umelana nalabatigcabhako, kepha labatfobekile ubapha umusa.”

Lukha 18:14

Jesu watsi: “Nginitjela kutsi lendvodza lengumtselisi yabuyela ekhaya seyemukelwe nguNkulunkulu kutsi ilungile kunalona lomunye, ngobe phela wonkhe umuntfu lotiphakamisako, uyawutfotjiswa, wonkhe lotitfobako, uyawuphakanyiswa.”

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Hezekeli 28:2

“Ndvodzana yemuntfu, shano kumbusi waseThire, utsi: ‘Naku lokushiwo yiNkhosi Simakadze, itsi: “ ‘Ukhuluma ngekutigcabha enhlitiyweni yakho, utsi: “Mine ngingunkulunkulu; ngihlala esihlalweni sebukhosi sankulunkulu ekhatsi nekhatsi elwandle.” Kodvwa ungumuntfu, awusiye nkulunkulu, nome nje uticabanga kutsi uhlakaniphe njengankulunkulu.

Isaya 42:25

Ngako watfululela etikwabo intfukutselo yakhe levutsako, nebudlwangudlwangu bemphi. Yabasibekela ngemalangabi, noko abazange bacondze; yabadla, kodvwa abakufakanga enhlitiyweni.

Tihlabelelo 144:6

Bashaye ngelitulu ubadvungulule bacibe ngemicibisholo yakho, baphitsitele.

Jobe 27:22

Lomoya utijikijela etikwakhe ungasenamusa kuye, agijime ashiye inyosi abalekela emandla awo.

Jobe 20:23

Uyawutsi nase agcwalise umkhaba wakhe, Nkulunkulu ehlisele intfukutselo yakhe etikwakhe, ehlisele nemvula yemijijimeto yakhe etikwakhe.

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

Eksodusi 18:11

Nyalo-ke sengiyati kutsi Simakadze mkhulu kunabo bonkhe labanye bonkulunkulu, ngobe ema-Israyeli uwakhulule ekugcilatweni ngesihluku ngemaGibhithe.”

Eksodusi 15:6

“Sandla sakho sangesekudla, Simakadze, siphakeme ngemandla. Sandla sakho sangesekudla, Simakadze, sipitjite sitsa, sasibulala.

Jobe 4:9

Ngekuphefumula kwaNkulunkulu bayabhubha; ngekuvunguta kwentfukutselo yakhe bayaphela.

Jobe 21:30

yekutsi lomubi uyacolelwa ngelilanga lenhlekelele nekutsi uyakhululeka ngelilanga lelulaka?

Isaya 22:19

Ngiyawukwehlisa esikhundleni sakho, ususwe esikhundleni sakho,” kusho Simakadze.

Isaya 23:9

NguSimakadze longuSomandla lokuhlelile kutsi entele phansi ligcabho labo bonkhe bukhatikhati, nekutsi atfobise bonkhe labadvumile emhlabeni.

Isaya 25:11

Bayawukweneka tandla tabo ekhatsi kuwo njengemuntfu lohlambako nakeneka tandla takhe. Nkulunkulu uyakulidzilita ligcabo labo, abubukele phansi bucwepheshe betandla tabo.

Isaya 26:5

Uyabatfobisa labo labahlala ekuphakameni, ulalisa phansi lidolobha leliphakeme, alente lilingane nemhlabatsi, alilahle phansi elutfulini.

Jeremiya 48:29

Sivile ngekutigabatisa kwaMowabi, kutigcabha kwakhe lokukhulu, nangelicholo lakhe, ligcabho lakhe, nekutiphakamisa kanye nekutikhukhumeta kwenhlitiyo yakhe.

Danyela 4:24

“Nansi-ke inchazelo yaleliphupho, wena waphakathi, loku simisomtsetfo lesikhishwe nguLongetulu Kwako Konkhe samelana ngco nenkhosi yami.

Nahume 1:8

Ngesikhukhula lesinemandla baseNineve labaphambene naye uyawubacedza, abacoshe baye ebumnyameni.

Jobe 9:5

Ugudlukisa tintsaba nato tingakwati loko, atigubuncelise ngentfukutselo yakhe.

Tihlabelelo 94:2

Phakama, Mehluleli wemhlaba, uphindzisele kubemhlaba labatidlako.