Jobe 38:8 - Siswati 1996 Bible

⁸ “Ngubani lowavala emasango ekuvimbela lwandle, naluphuphuma, luphuma esiswini semhlaba,

Jobe 38:8 ပူးပေါင်းရင်းမြစ်များ

Genesisi 1:7

Nkulunkulu wenta umkhatsi, wehlukanisa emanti labengephansi kwemkhatsi nemanti labengetulu kwemkhatsi. Kwase kuba njalo.

Genesisi 1:9

Nkulunkulu watsi: “Emanti langephansi kwelizulu akabutsane ndzawonye, kubonakale umhlaba lowomile.” Kwase kuba njalo.

Jobe 28:25

Watsi nakasungula emandla emoya, akala emanti,

Jobe 38:10

ngesikhatsi ngimisa iminyele yalo, ngibeka iminyango neticabo talo,

Jobe 38:9

ngesikhatsi ngenta emafu aba yingubo yalo ngilugocota ngebumnyama lobukhulukati,

Tihlabelelo 104:6

wawembesa ngemanti lamanyenti, njengekwembeswa ngengubo, emanti agcwala adzimate acwilisa tintsaba.

Tihlabelelo 107:24

Bayibona imisebenti yaSimakadze, netimangaliso takhe ekujuleni kwalo.

Tihlabelelo 33:7

Emanti elwandle wawabutsela ndzawonye, kwaba shangatsi uwagcwalisa embiteni; wenta titiba netitibakati tetilwandle.

Taga 30:4

“Ngubani lowake waya ezulwini waphindze wabuya? Ngubani lophetse imimoya etandleni takhe? Ngubani logocotele emanti ngengubo yakhe? Ngubani lowamisa yonkhe imikhawulo yemhlaba? Ngubani libito lakhe nelendvodzana yakhe? Ungangitjela nje?

Taga 8:29

mhlazana asika imincele yetilwandle, kuze emanti angalengci livi lakhe, mhlazana abeka tisekelo temhlaba,

Isaya 40:12

Ngubani lolinganise emanti ngentsendze yesandla sakhe, nome lowatsi ngebubanti besandla sakhe wemisa imikhawulo yemazulu? Ngubani lolinganisa lutfuli lwemhlaba ngembita, nome lowake wakala tintsaba ngesikali, wakala nemagcuma ngesilinganiso?

Jeremiya 5:22

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.