Jobe 38:4 - Siswati 1996 Bible

⁴ “Bewukuphi wena, nangibeka sisekelo semhlaba? Ngitjele, nawukucondza loko.

Jobe 38:4 ပူးပေါင်းရင်းမြစ်များ

Tihlabelelo 104:5

Wasimisa umhlaba etikwetisekelo tawo, kuze ungatanyatanyiswa, phakadze naphakadze,

KumaHebheru 1:10

Uphindze atsi: “Wena, Nkhosi, ekucaleni wabeka sisekelo semhlaba, emazulu angumsebenti wetandla takho.

Taga 30:4

“Ngubani lowake waya ezulwini waphindze wabuya? Ngubani lophetse imimoya etandleni takhe? Ngubani logocotele emanti ngengubo yakhe? Ngubani lowamisa yonkhe imikhawulo yemhlaba? Ngubani libito lakhe nelendvodzana yakhe? Ungangitjela nje?

KumaHebheru 1:2

Kodvwa kulamalanga ekugcina sewukhulume kitsi ngeNdvodzana yakhe ladala ngayo umhlaba nako konkhe lokukhona; wayimisa kutsi ibe yindlalifa yako konkhe.

Tihlabelelo 102:25

Emandvulo wabeka tisekelo temhlaba, emazulu angumsebenti wetandla takho.

Genesisi 1:1

Ekucaleni Nkulunkulu wadala lizulu nemhlaba.

Taga 8:22

“Simakadze wangidala, ngaba wekucala emisebentini yakhe, ngaba wekucala endalweni yakhe, ngiwasendvulo.

Genesisi 2:4

Ladalwa kanjalo-ke lizulu nemhlaba. Ngesikhatsi Nkulunkulu Simakadze enta umhlaba nelizulu,

1 Samuweli 2:8

Uphakamisa labampofu elutfulini, akhuphule labeswele etindvundvumeni temlotsa, atebahlalisa nalabahloniphekile, abente badle lifa lesihlalo sebukhosi. Ngobe tinsika temhlaba taSimakadze, umhlaba uwakhele etikwato.

Jobe 15:7

“Ucabanga kutsi nguwe wedvwa yini umuntfu wekucala lowatalwa? Wena watalwa tingakabikho yini tintsaba?

Jobe 34:13

Ngubani lowambeka lapha emhlabeni kutsi awubuse? Ngubani lowamenta waba ngumphatsi wemhlaba wonkhe?

Isaya 40:14

Ngubani lowake wabutwa nguSimakadze kutsi akamkhanyisele lokutsite? Ngubani lowake wamlayela indlela lengiyo? Ngubani yena lona lowamfundzisa lwati nome wamlayela indlela yekucondza?

Jeremiya 10:12

Kodvwa Nkulunkulu wawudala umhlaba ngemandla akhe lamakhulu; wesekela umhlaba ngekuhlakanipha kwakhe, weneka emazulu ngekucondza kwakhe.

Amose 4:13

Ngako-ke lalelani! Yena lowo lobumba tintsaba, adale umoya, embule imicabango yakhe kumuntfu, yena lowo logucula intsatsakusa, ayente bumnyama, anyatsele tindzawo letiphakeme temhlaba, nguSimakadze Nkulunkulu longuSomandla libito lakhe.

Jobe 28:25

Watsi nakasungula emandla emoya, akala emanti,

Tihlabelelo 102:26

Kuyakwendlula konkhe, wena uhlale unjalo nje, konkhe kuyawuguga njengengubo. Yebo, njengengubo uyawukugucula kusakateke.

Taga 3:19

Simakadze wasekela umhlaba ngekuhlakanipha, wamisa emazulu endzaweni yawo ngekucondza.