Jobe 38:22 - Siswati 1996 Bible

²² “Wase wangena yini etingungwini tangcocwane, nome uke watibona yini tingungu tesangcotfo,

Jobe 38:22 ပူးပေါင်းရင်းမြစ်များ

Jobe 37:6

Utjela ngcocwane atsi: ‘Yehlela emhlabeni,’ nasetihlambini tetimvula atsi: ‘Bani sihhuhhula lesinemandla.’

Jobe 38:23

lengikugcinele tikhatsi letimatima, lekutinsuku tekulwa kanye netemphi?

Jobe 6:16

tibuye tidvungeke tibe mnyama ngekuncibilika kwangcocwane, tigcwale lapho sitfwatfwa sifihlakele khona.

Tihlabelelo 135:7

Nguye lokhuphula tinkhungu emikhawulweni yemhlaba. Wenta imibane ilandzelwe yimvula. Ukhipha imimoya etingosini takhe.

Tihlabelelo 147:16

Ukhitsikisa lichwa njengeboya betimvu, asakate sitfwatfwa njengemlotsa,

Tihlabelelo 147:17

ehlise sangcotfo sakhe njengetinhlavu. Ngubani nje longemelana nemakhata akhe?

Tihlabelelo 33:7

Emanti elwandle wawabutsela ndzawonye, kwaba shangatsi uwagcwalisa embiteni; wenta titiba netitibakati tetilwandle.

Eksodusi 9:18

Asulalele-ke, kusasa ngaso lesikhatsi ngitakwehlisa sangcotfo lesikhulu lesingazange sehle, seloku iGibhithe yaba khona.

Isaya 30:30

Simakadze uyakwenta bantfu kutsi babuve bukhosi belivi lakhe, uyawubabonisa kwehla kwemkhono wakhe ngentfukutselo lekhephukako nangemlilo lodlako, nangekucheketeka kwemafu, nangekudvuma, nangesangcotfo.

Hezekeli 13:11

ngako-ke batjele labo labaluhuca ngemcakaco kutsi lutakuwa lolubondza. Imvula lenkhulu itakuna, futsi ngitawutfumela sangcotfo lesitawutfululekela phansi, kuvungute imimoya lenemandla.

Hezekeli 13:13

“ ‘Ngako-ke naku lokushiwo yiNkhosi Simakadze, itsi: Ngiyawudedela sivunguvungu lesinemandla ngenca yelulaka lwami, ngentfukutselo lenkhulu ngitfulule sangcotfo, nemvula lenkhulu iyakwehla ngentfukutselo yami lenkhulu yembhubhiso.

Joshuwa 10:11

Ema-Amori atsi asehla abalekela baka-Israyeli, ehla ngemgwaco losuka eBhethi Horoni uye e-Azekha, Simakadze wehlisa ematje lamakhulu esangcotfo, awehlisela etikwawo. Linyenti lema-Amori labulawa ngulamatje kunalabo labafa ngekugwazwa ngema-Israyeli.

Sembulo 16:21

Kwehla lesikhulu sangcotfo, lesingematje lamakhulu, sisindvo sawo lilinye litje bekungaba ngemakhilogremu langema-50. Lesangcotfo sehlela kubantfu labacalekisa Nkulunkulu ngenca yeluswati lababeshaywa ngalo, ngobe lwalwesabeka kakhulu.