Jobe 37:7 - Siswati 1996 Bible

⁷ Usuke entela kutsi bonkhe bantfu labentile bayati imisebenti yakhe, umisa bonkhe bantfu emisebentini yabo.

Jobe 37:7 ပူးပေါင်းရင်းမြစ်များ

Tihlabelelo 111:2

Mikhulu imisebenti yaSimakadze! Iphenywa ngibo bonkhe labatfokota ngayo.

Tihlabelelo 109:27

Shangatsi bangati kutsi sandla sakho, Simakadze, lesente loku.

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Isaya 5:12

Banemahabhu nemalire emadzilini abo, nemafahlawane nemintjingozi kanye neliwayini, kodvwa abatinaki tento taSimakadze, abayiboni imisebenti yetandla takhe.

Umshumayeli 8:17

ngayibona yonkhe imisebenti yaNkulunkulu kutsi umuntfu angeke ayicondze yonkhe imisebenti leyentiwako lapha ngaphansi kwemtfunti welilanga. Nome umuntfu angatihlupha kangakanani afunisisa, angeke ayicondze; nome lohlakaniphile angatsi yena uyati, angeke ayicondze.

Tihlabelelo 92:4

Ngobe nguwe, Simakadze, longente ngatfokota ngaloko lokwentile, imisebenti yetandla takho ingente ngahlabelela ngekujabula.

Tihlabelelo 64:9

Bonkhe bantfu bayawushaywa luvalo bashumayele ngalokwentiwe nguNkulunkulu, bakucondze kahle lasakwentile.

Tihlabelelo 46:8

Wotani nitewubona imisebenti yaSimakadze, emhlabeni wente tintfo letimangalisako.

Jobe 36:24

Khumbula-ke nawe kudvumisa imisebenti yakhe, njengaloku bantfu bahlala bahlabela ngetindvumiso.

Jobe 12:14

Loko lokubhidlitwe nguye, kute longaphindze akwakhe kabusha, umuntfu lamfake ejele angeke akhululwe ngumuntfu.

Jobe 9:7

Ukhuluma nelilanga kutsi lingakhanyi, lingete laphuma, usibekela kukhanya kwetinkhanyeti.

Jobe 5:12

Ucitsa emacebo emacili, kuze labakwenta ngetandla tabo kungaphumeleli.