Jobe 37:6 - Siswati 1996 Bible

⁶ Utjela ngcocwane atsi: ‘Yehlela emhlabeni,’ nasetihlambini tetimvula atsi: ‘Bani sihhuhhula lesinemandla.’

Jobe 37:6 ပူးပေါင်းရင်းမြစ်များ

Ezra 10:13

Kodvwa kunebantfu labanyenti lapha, kantsi futsi nelitulu liyana; ngako, singeke sikhone kuma lapha ngaphandle. Ngetulu kwaloko lendzaba ingeke icedvwe ngelilanga linye nome lamabili, ngobe sone kakhulu kuloko.

Ezra 10:9

Kwatsi kungakapheli emalanga lamatsatfu, onkhe emadvodza akaJuda newakaBhenjamini ahlangana ndzawonye eJerusalema. Ngelilanga lema-20 enyangeni yemfica, bonkhe base bahleti ebaleni lelithempeli, bakhatsateke kakhulu ngalemvula leyayina, ikakhulu ngesimo salowo mhlangano.

Jobe 28:26

nakashayela imvula umtsetfo, abhola indlela yemibane yekudvuma kwelitulu,

Jobe 36:27

“Ukha ematfonsi emanti, acengeke abe yimvula leyehlela emifudlaneni.

Jobe 38:22

“Wase wangena yini etingungwini tangcocwane, nome uke watibona yini tingungu tesangcotfo,

Jobe 5:10

Unisa imvula etikwemhlaba, ehlisele emanti etikwematsafa.

Tihlabelelo 148:8

nawe mlilo nesangcotfo, nelichwa, netinkhungu, nemoya lonemandla lolalela imiyalo yakhe.

Taga 28:3

Umholi lomubi lophuyile acindzetele labamphofu ufanana nesikhukhula selitulu leligcoba livungule.

Hezekeli 13:11

ngako-ke batjele labo labaluhuca ngemcakaco kutsi lutakuwa lolubondza. Imvula lenkhulu itakuna, futsi ngitawutfumela sangcotfo lesitawutfululekela phansi, kuvungute imimoya lenemandla.

Hezekeli 13:13

“ ‘Ngako-ke naku lokushiwo yiNkhosi Simakadze, itsi: Ngiyawudedela sivunguvungu lesinemandla ngenca yelulaka lwami, ngentfukutselo lenkhulu ngitfulule sangcotfo, nemvula lenkhulu iyakwehla ngentfukutselo yami lenkhulu yembhubhiso.

Amose 9:6

ngiyo leyakha sigodlo sayo lesiphakeme emazulwini, sisekelo sayo isimbele emhlabatsini, yona lememeta emanti aselwandle bese iwacitsela etikwebuso bemhlaba, libito layo nguSimakadze.