Jobe 37:16 - Siswati 1996 Bible

¹⁶ Uyawati yini kutsi emafu alenga kanjani eme kahle kangaka emoyeni, angadziliki, leto timangaliso takhe lowo lophelele ngelwati?

Jobe 37:16 ပူးပေါင်းရင်းမြစ်များ

Jobe 26:8

Ugocota emanti emafini akhe, noko lawo manti akavuti kulamafu.

Jobe 36:29

Ngubani nje longacondzisisa kutsi uwendlala kanjani emafu? Udvuma kanjani nje endzaweni yakhe yekuhlala?

Jobe 36:4

Cinisekani-ke kutsi emavi ami akasiwo emanga; lapha embikwenu kume umuntfu lohlakaniphe ngempela.

Jobe 37:14

“Lalela lapha, Jobe, asewume ucabange kahle ngetimanga taNkulunkulu.

Jobe 37:15

Uyati yini kutsi Nkulunkulu uwabusa kanjani emafu, nekutsi uyiklazisa kanjani imibane yakhe?

Jobe 37:17

Wena muntfu loshiswa kwekwembatsa kwakho ngesikhatsi kuhhusha umoya waseningizimu uthulisa live,

Jobe 37:5

Liphimbo laNkulunkulu libhavumula ngetindlela letimangalisako. Wenta tintfo letinyenti letinkhulu naletingetulu kwetingcondvo tetfu.

Jobe 5:9

Yena wenta timangaliso letingeke tichazwe ngumuntfu, ente nemigilingwane lengeke ibalwe ngumuntfu.

Tihlabelelo 104:24

Awu, Simakadze! Maye, minyenti imisebenti yakho! Yonkhe uyente ngekuhlakanipha; umhlaba ugcwele tidalwa takho.

Tihlabelelo 147:5

Mkhulu Simakadze wetfu, nemandla akhe makhulu, kuhlakanipha kwakhe akunakulinganiswa.

Tihlabelelo 78:4

natsi siyawutitekela batukulu betfu, sitjele titukulwane letitako, sitifundzise imisebenti yebukhosi, kanye nemandla aSimakadze, kanye netimangaliso latentile.

Isaya 40:22

Nkulunkulu uhleti esihlalweni sebukhosi etikwembulunga lengumhlaba, nebantfu bakhona bafanana netintsetse. Wendlala emazulu njengempheme, awendlale njengeliseyili entele bantfu kutsi batewuhlala kuwo.