Jobe 37:1 - Siswati 1996 Bible

¹ “Ngenca yaloku ngiva shangatsi inhlitiyo yami iyagcumagcuma, isuka endzaweni yayo.

Jobe 37:1 ပူးပေါင်းရင်းမြစ်များ

Jobe 21:6

Nangicabanga ngaloko, ngifikelwa kwesaba, kutfutfumela kubambe umtimba wami.

Jobe 36:33

Kudvuma kwakhe ngelitulu kumemetela kuta kwesihhuhhula semvula, ngobe ngisho netinkhomo tiyakumemetela kuta kwalo.”

Jobe 37:2

Lalela! Lalela kudvuma kwelivi lakhe, nalokugedletela lokuphuma emlonyeni wakhe.

Jobe 38:1

Simakadze waphendvula Jobe asesivunguvungwini, watsi:

Jobe 4:14

kwesaba nekutfutfumela kwangigagadlela, kwatfutfumelisa onkhe ematsambo ami.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Tihlabelelo 89:7

UnguNkulunkulu lowesatjwa emikhandlwini yalabangcwele. Umkhulu, futsi wesabeka ngetulu kwabo bonkhe labakuhacile.

Eksodusi 19:16

Ekuseni ngelilanga lesitsatfu kwaba nekudvuma nemibane, lifu lelimnyama labonakala etikwentsaba, kwase kuvakala licilongo lelakhala kakhulukati. Bonkhe bantfu lapha enkambu betfuka batfutfumela ngenca yekwesaba.

Jeremiya 5:22

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.

Habakhuki 3:16

Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.

Imisebenti yebaPhostoli 16:26

Masinyane kwaba khona kutamatama kwemhlaba lokukhulu, lokwatamatamisa tisekelo telijele. Khonapho yonkhe iminyango yavuleka, tinketane tato tonkhe tiboshwa tadzilika.

Imisebenti yebaPhostoli 16:29

Umgcinijele watsi akukhanyiswe, wagijima wangena ngekhatsi, agedletela, watilahla phansi etinyaweni taboPawula naSilasi.

Dutheronomi 33:22

NgaDani wakhuluma watsi: “Dani liwundlu lelibhubesi, leligcume laphuma eBhashani.”