Jobe 36:22 - Siswati 1996 Bible

²² “Nkulunkulu uphakeme emandleni akhe, ngubani nje lofundzisa njengaye?

Jobe 36:22 ပူးပေါင်းရင်းမြစ်များ

Lukha 1:52

Wehlisa emakhosi lanemandla etihlalweni tawo, waphakamisa labedzelelekile.

KubaseRoma 13:1

Wonkhe umuntfu kufanele atitfobele ngenhlonipho tiphatsimandla tembuso, ngobe kute emandla embuso langaveli kuNkulunkulu, naleto tiphatsimandla letikhona tibekwe nguNkulunkulu.

Isaya 48:17

Naku lokushiwo nguSimakadze, uMhlengi wenu, Longcwele waka-Israyeli, utsi: “NginguSimakadze Nkulunkulu wenu, longuyena anifundzisa kutsi ngukuphi lokuncono kunako konkhe kini, lonilayela indlela lekufanele nihambe ngayo.

Danyela 5:18

“Nkhosi, Nkulunkulu Longetulu Kwako Konkhe wapha uyihlo Nebukhadnezari bukhosi, nebukhulu, neludvumo kanye nebukhatikhati.

Danyela 4:32

Wena sewutawukhishwa emkhatsini webantfu, uyewuhlala emkhatsini wetilwane tesiganga; utawudla tjani njengetinkhomo. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele yonkhe imibuso yebantfu, nekutsi uyinika nome ngubani umuntfu latsandza kumupha yona.”

Danyela 4:25

Utawucoshwa emkhatsini webantfu, uhlale netilwane tesiganga; utawudla tjani njengetinkhomo, unetfwe ngematolo asezulwini. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele imibuso yonkhe yebantfu, uyinika nome ngubani lowo latsandza kumupha yona.

Jeremiya 31:38

Simakadze utsi: “Emalanga ayeta lapho khona ngiyakwakhelwa kabusha lelidolobha kusukela eMbhoshongweni waHananeli kuye eSangweni Lelikona.

Isaya 54:13

“Bonkhe bantfu bakho bayawufundziswa nguSimakadze, inhlalakahle nekuthula kwebantfwana bakho kuyawuba kukhulu.

Isaya 14:5

Simakadze uyephulile indvuku yalababi, yebo, uyephulile indvuku yebabusi,

Tihlabelelo 94:12

Yebo, Simakadze! Ubusisiwe umuntfu loyalwa nguwe, afundziswe nguwe emtsetfweni wakho,

Tihlabelelo 94:10

Nguye longumcondzisi wetive, pho, angeke ehlulele yini? Nguye lofundzisa lwati kubo bonkhe bantfu, pho, angabate kanjani lwati?

Tihlabelelo 75:7

kodvwa nguNkulunkulu lowehlulelako, wehlisa lomunye aphakamise lomunye.

Jobe 35:11

losifundzisa lokunyenti tsine kunetilwane temhlaba, asente sihlakaniphe kakhulu kunetinyoni letindiza emoyeni?’

Johane 6:45

Kubhaliwe kubaphrofethi kutsi: ‘Bonkhe bayawuba ngulabafundziswe nguNkulunkulu.’ Bonkhe labevile kuBabe, bafundza kuye, bayeta kimi.

Jobe 21:22

“Ukhona yini umuntfu longafundzisa Nkulunkulu lwati? Ngobe yena wehlulela ngisho nalabangetulu kwabo bonkhe.

Jobe 25:2

“Ligunya nekwesabeka kwaNkulunkulu losungula kuthula etulu emazulwini.

Jobe 33:12

“Kodvwa ngiyakutjela ngitsi: Kuloku uyalahleka, ngobe Nkulunkulu mkhulu kunemuntfu.

Tihlabelelo 25:5

Ngihambise ecinisweni lakho, ungifundzise, ngobe wena unguNkulunkulu wensindziso yami. Litsemba lami likuwe lonkhe lilanga.

Tihlabelelo 119:102

Angikaphambuki emtsetfweni wakho, ngobe nguwe longifundzisile.