Jobe 36:20 - Siswati 1996 Bible

²⁰ Ungabukhaleli busuku kutsi buyawufika nini, sikhatsi lapho tive tonkhe tiyawubhubha tiphele.

Jobe 36:20 ပူးပေါင်းရင်းမြစ်များ

Jobe 34:25

Ngobe uyakunaka lokwenta kwabo, ubaketula ngebusuku bunye nje kube bayaphela njalo.

Jobe 34:20

Bafa ngekushesha lokukhulu, ekhatsi nebusuku, bantfu bayatfutfumela bafe, labanemandla besuka bangakatsintfwa ngumuntfu ngisho nangesandla sakhe.

2 Emakhosi 19:35

Ngalobo busuku ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Eksodusi 12:29

Ekhatsi nebusuku Simakadze wabulala onkhe ematubulo eveni laseGibhithe: kusukela esigodlweni etubulweni laFaro lelaliyindlalifa yakhe, kuye etubulweni lesiboshwa lesisejele, nasematubulweni etifuyo.

Imisebenti yebaPhostoli 1:25

kutsi atsatse sikhundla sekuba ngumphostoli ente lomsebenti loshiywe nguJudasi waya lapho abewakhona.”

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’

Danyela 5:30

Ngabo bona lobo busuku Bhelshasari, inkhosi yemaBhabhulona, wagwazwa wafa.

Umshumayeli 11:3

Nangabe emafu agcwele imvula, lemvula ayitfululela etikwemhlaba. Nangabe sihlahla siwe sabheka ngaseningizimu nome ngasenyakatfo, siyawulala ngaleyo ndlela lesiwe ngayo.

Taga 14:32

Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.

Jobe 14:13

“Ngifisa shangatsi ungangifihla ethuneni, ungibhacise khona kuze kwendlule intfukutselo yakho! Nawungamane nje ungincumele sikhatsi, ungikhumbule!

Jobe 7:15

sengize nginconota kwekhanywa ngimane ngife sekunalomtimba wami lengikuwo.

Jobe 6:9

Kutsi Nkulunkulu amane asale angisila, angihlwitse ngesandla sakhe angijube.

Jobe 36:19

Emandla akho kanye nebunjinga bakho kungakugcina yini ekutseni ungakhatsateki?