Jobe 36:16 - Siswati 1996 Bible

¹⁶ “Nkulunkulu ukwephula emihlatsini yekukhatsateka, ukubeka endzaweni lebanti lengenako kubandzeteleka nome kwani, akubeke ekunetsetekeni uvele ngenhloko enaleni, lapho ungakhetsa lokutsandzako khona.

Jobe 36:16 ပူးပေါင်းရင်းမြစ်များ

Jobe 15:11

Akukwenelisi yini kudvudvutwa nguNkulunkulu, nemagama lakhulunywe ngebunandzi kuwe?

Jobe 19:8

Utivalile tindlela tami, entela kutsi ngingakhoni kwendlula, wembatsise tindlela tami ngebumnyama.

Jobe 5:17

“Maye, ubusisiwe umuntfu locondziswa nguNkulunkulu! Ngako ungakwedzeleli kuyalwa nguSomandla.

Tihlabelelo 118:5

Ngakhala kuSimakadze ngiselusizini lwami, yena wangiphendvula ngekungikhulula.

Tihlabelelo 18:19

Wangikhiphela endzaweni lebanti; wangephula, ngobe abejabula ngami.

Tihlabelelo 18:20

Simakadze wangiphatsa njengekulunga kwami, wangivuza njengebumsulwa betandla tami,

Tihlabelelo 23:5

Ungigcebela litafula embikwami netitsa tami tibuka. Ugcobisa inhloko yami ngemafutsa, indzebe yami iyaphuphuma.

Tihlabelelo 31:8

Awunginikelanga esandleni sesitsa, tinyawo tami utimise endzaweni lebanti.

Tihlabelelo 36:8

Badla indvodla yekudla, badzimate besutse endlini yakho, ubanatsise emanti emfuleni wakho wentfokoto,

Tihlabelelo 63:5

Umphefumulo wami uyakwesutsiswa kube shangatsi ngidle emanoni nemnkantja, nemlomo wami ukudvumise ngenjabulo.

Tihlabelelo 63:6

Nangilele ngiyakukhumbula; nangicwashile ebusuku ngizindla ngawe,

Isaya 25:6

Kulentsaba Simakadze longuSomandla utakwentela bantfu bonkhe lidzili lalokukhuluphele, lelimnandzi, yebo, lidzili leliwayini lelidzala lakadzeni, inyama lenhle kakhulu, netinhlobo letimnandzi teliwayini.

Isaya 55:2

Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Hoseya 2:14

“Ngako-ke manje ngitamhhungula, ngimholele ehlane, ngikhulume naye kamnandzi.