Jobe 35:14 - Siswati 1996 Bible

¹⁴ Kangakanani-ke kutsi angalalela, nawutsi awumboni yena, kutsi nome licala lakho lisembikwakhe, wena kufanele ulindzele yena,

Jobe 35:14 ပူးပေါင်းရင်းမြစ်များ

Jobe 9:11

Nome endlula ngakimi, ngingeke ngimbone, nakendlula ngendlela yami, ngingeke ngimuve.

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Tihlabelelo 97:2

Emafu lamnyama amtungeletile, kulunga nebucotfo sisekelo lamise kuso sihlalo sakhe sebukhosi.

Tihlabelelo 62:8

Nine sive, yetsembelani kuye ngato tonkhe tikhatsi, tfululelani kuye tinhlitiyo tenu, Nkulunkulu usiphephelo setfu. Cabanga.

Tihlabelelo 62:5

Mphefumulo wami, thula kuNkulunkulu, ngobe litsemba lami livela kuye.

Jobe 23:3

Kube mane bengati kutsi ngingamtfola kuphi, kube mane benginemandla ekufika lapho ahlala khona!

Jobe 19:7

“Naloku ngikhala: ‘Ngimi lengoniwe!’ Kodvwa angiphendvulwa; naloku ngicela lusito, kute kwetsembeka.

Jobe 9:19

Nangabe kukhulunywa ngetemandla, unemandla! Nangabe kukhulunywa ngetekulunga, ngubani longahle abhejelane naye?

Jobe 31:35

“Awu! Kube mane kunemuntfu longangiva! Sengiyakusicilela manje kutivikela kwami. Akangiphendvule phela Somandla. Lowo longibeka licala akalibhale phansi.

Jobe 35:15

ngetulu kwaloko, kutsi lulaka lwakhe alujezisani, futsi akanaki lutfo nalolu twi lwalokubi.

Tihlabelelo 37:7

Thula embikwaSimakadze, umlindzele ngesineke. Ungahawukeli kumuntfu lonotsa ngebucili bakhe.

Isaya 8:17

Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.

Sililo 3:58

Awu Simakadze, wayimela indzaba yami, wayihlenga imphilo yami.