Jobe 35:13 - Siswati 1996 Bible

¹³ Liciniso, Nkulunkulu akayilaleli imibhedvo yetikhalo tabo. Somandla akatinaki, njengobe tilite nje.

Jobe 35:13 ပူးပေါင်းရင်းမြစ်များ

Taga 15:29

Simakadze ukhashane nebantfu lababi; kodvwa uyayiva imithandazo yebantfu labalungile.

Jeremiya 11:11

Ngako-ke naku lokushiwo nguSimakadze, utsi: ‘Ngiyakwehlisela etikwabo inhlekelele labangeke bakhone kuyibalekela. Nome bangakhala bacele lusito kimi, ngingeke ngibalalele.

Isaya 1:15

Naniphakamisa tandla tenu niteneka, nithandaza, ngiyakuwafihla emehlo ami kini; nome senenta imithandazo leminyenti kangakanani, ngingeke ngiyilalele. Tandla tenu tigcwele ingati;

YaJakobe 4:3

Niyacela ningaphiwa, ngobe nicela kabi, nicelela kutsi nikucitse etinkhanukweni tenu.

Matewu 6:7

“Kodvwa nanithandazako, ningalibali kukhuluma emagama lamanyenti langasho lutfo, njengebetive labacabanga kutsi batawuvakala ngekukhuluma kwabo lokunyenti.

Amose 5:22

Ngisho nome ningangiletsela imihlatjelo yekushiswa kanye neminikelo yalokutinhlavu, ngingeke ngiyemukele. Ngisho nome ningaletsa iminikelo yebudlelwane yelikhetselo, ngingeke ngiyinake.

Hoseya 7:14

Abakhali kimi ngalokusuka etinhlitiyweni tabo, kodvwa balila emibhedzeni yabo. Babutsana ndzawonye babutsanele emabele neliwayini lelisha, kodvwa bangifulatsele mine.

Taga 28:9

Nangabe umuntfu angafuni kugcina umtsetfo, ngisho nemithandazo yakhe iyenyanyeka kuNkulunkulu.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Tihlabelelo 102:17

anake imikhuleko yalabangenabani, angayibukeli phansi imithandazo yabo.

Jobe 30:20

“Ngikhala kuwe, Nkulunkulu wami! Kodvwa wena awungiphendvuli. Ngiyasukuma ngime ngetinyawo, kodvwa wena umane ungibuke nje.

Johane 9:31

Siyati kutsi Nkulunkulu akativa toni; kodvwa nangabe umuntfu amesaba Nkulunkulu, ente intsandvo yakhe, lowo uyamuva.

Jobe 15:31

Akangatiyengi ngekwetsemba loko lokulihobosha, ngobe kute layakukutfola ngaloko.

Mikha 3:4

Siyeta sikhatsi lapho nitawukhala khona kuSimakadze, kodvwa angeke aniphendvule. Angeke ayilalele imithandazo yenu, ngobe nente lokubi kuye.

Tihlabelelo 66:18

Kube bengicondze bubi enhlitiyweni yami, Simakadze abengeke angive.