Jobe 34:23 - Siswati 1996 Bible

²³ Nkulunkulu akadzingi kube solomane aphilikishana nebantfu abavivinya, kutsi bete kuye batekwehlulelwa.

Jobe 34:23 ပူးပေါင်းရင်းမြစ်များ

Ezra 9:13

“Loko lokusehlele kungumphumela wetento tetfu letimbi, nelicala letfu lelikhulu, noko, Nkulunkulu wetfu, awukasijezisi njengalokufanele tono tetfu, sewuze wasinika nensali lefana nalena.

Jobe 11:11

Ngempela uyabati bantfu labangemacili, kantsi futsi nakabona lokubi, akakutsatseli yini tinyatselo?

Jobe 11:6

Shangatsi angembula kuwe timfihlakalo tekuhlakanipha, ngobe kuhlakanipha kweliciniso kukabili. Yati loku: Kutsi Nkulunkulu akakujezisi ngangekona kwakho.

Jobe 16:21

uncengela umuntfu kuNkulunkulu, njengemuntfu ancengela umngani wakhe.

Jobe 23:7

Abeyawubona naye kutsi umelene nemuntfu lowetsembekile, nakanjani kumehluleli wami bengitawutfolakala ngite licala.

Jobe 34:24

Ngaphandle nje kwemibuto uvele esuse labanemandla, abeke labanye etikhundleni tabo.

Jobe 9:3

Umuntfu nome abengafisa kuphindzilitana naye, abengeke akhone kuphendvula ngisho munye emibutweni yakhe leyinkhulungwane.

Tihlabelelo 119:137

Wena, Simakadze, ulungile, nemitsetfo yakho ilungile.

Isaya 42:3

Umhlanga lofecekile ngeke awephule; intsambo yesibane lebhunyako ngeke ayicime. Ngekwetsembeka kwakhe uyawuletsa umtsetfocotfo,

Jeremiya 2:5

Naku lokushiwo nguSimakadze, utsi: “Cala lini boyihlo labalitfola kimi, kutsi bangaze baphambuke kangaka kimi? Balandzela tithico letingenamsebenti, nabo sebagucuka baba lite.

KubaseRoma 9:20

Kodvwa-ke wena muntfu-ndzini, ungubani kutsi ungaphikisana naNkulunkulu? Ludziwo lungasho yini kumbumbi walo kutsi: “Wangibumbelani kanje?”