Jobe 34:19 - Siswati 1996 Bible

¹⁹ longakhetsi ngisho nakuto tikhulu, ngisho nakulabanjingile nalabamphofu, ngobe phela bonkhe bangumsebenti wetandla takhe?

Jobe 34:19 ပူးပေါင်းရင်းမြစ်များ

2 Tikhronike 19:7

Ngako yesabani Simakadze, nehlulele ngekunakekela lokukhulu, ngobe Simakadze Nkulunkulu wetfu akanako kungalungi, akakhetsi muntfu, futsi akadizelwa.”

Jobe 10:3

Kuyakujabulisa yini wena lokungicindzetela, nekwedzelela umsebenti wetandla takho, ulibale kumamatsekiswa ngemacebo lentiwa ngulababi?

Jobe 12:19

Wenta baphristi bahambe bate tembatfo, aketule bantfu bebasetikhundleni sikhatsi lesidze.

Jobe 12:21

Utfululela lihlazo kulabahloniphekile, abalahlise phansi tikhali labanemandla ekulwa.

Jobe 13:10

Nakanjani Nkulunkulu utanidalula, nangabe nikhetsana ngasese.

Jobe 13:8

Netama kumvikela yini? Ningayimelela yini indzaba yaNkulunkulu?

Jobe 31:15

Akusiye yini yena lowo lowabumba mine esiswini lona lowabumba tona? Akusiye yini lowaseluka sonkhe etiswini tabomake?

Jobe 32:21

Kute muntfu lengitamkhetsa, futsi kute lengitamyenga ngelite,

Jobe 34:18

Akusiye yini lolawula emakhosi atsi: ‘Aninamsebenti walutfo,’ nakulabahlonishwako atsi: ‘Nibabi,’

Jobe 36:19

Emandla akho kanye nebunjinga bakho kungakugcina yini ekutseni ungakhatsateki?

Eksodusi 30:15

Lonjingile akufanele akhokhiswe ngetulu, nalophuyile akukafaneli akhokhiswe ngaphansi kwalemali, lekuyinhlawulo yetimphilo tenu kuSimakadze.

Taga 14:31

Nawucindzetela luphuya, wetfuka uMdali walo; kodvwa nawuphetse kahle loweswele, udvumisa uMdali wakhe.

Taga 22:2

Tinjinga netimphuya tifanana ngantfo yinye: Bobabili badalwa nguNkulunkulu.

Umshumayeli 5:8

Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

Isaya 3:14

Simakadze ungena ekwehluleleni, wehlulela labadzala nebaholi besive sakhe, utsi: “Ngini lenicedze sivini sami, imphango leniyitsetse kulabamphofu igcwele etindlini tenu.

Levithikusi 19:15

“ ‘Ungehluleli ngekukhetsa, ngekulahla lomphofu ngelicala uvune lomkhulu, kodvwa mehlulele ngekulunga makhelwane wakho.

Imisebenti yebaPhostoli 10:34

Wacala wakhuluma Phetro watsi: “Nembala sengibonile kutsi Nkulunkulu akakhetsi libala lemuntfu,

KubaseRoma 2:11

Ngobe Nkulunkulu akakhetsi muntfu.

1 kubaseKorinthe 1:28

Nkulunkulu wakhetsa lokubukeleka phansi nalokwedzelelekile emhlabeni; wakhetsa netintfo letingekho, khona atewucitsa letikhona,

KubaseGalathiya 2:6

Labo labadvume ngekutsi baholi – kutsi babe yini akusho lutfo kimi, ngobe Nkulunkulu akakhetsi buso bemuntfu – ngitsi: Labo baholi abazange bengete lutfo eVangelini lengilishumayelako.

Kubase-Efesu 6:9

Baphatsi, nani yentani njalo kuto tisebenti tenu, niyekele kutisongela, nati kutsi iNkhosi yenu neyato isezulwini, nekutsi yona ayikhetsi muntfu.

Dutheronomi 10:17

Ngobe Simakadze longuNkulunkulu wenu nguNkulunkulu wabonkulunkulu, neNkhosi yemakhosi, nguNkulunkulu lomkhulu, nalonemandla nalowesabekako; akakhetsi, kantsi futsi akadizelwa.

KubaseKholose 3:25

Ngobe lowo lowenta lokungakalungi, uyakwemukela lokungakalungi lakwentile, ngobe kuyawube kungakhetfwa bala lamuntfu.

KumaHebheru 12:28

Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela;

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?

1 yaPhetro 1:17

Nanimbita ngekutsi nguBabe, lowo lowehlulela ngaphandle kwekukhetsa buso bemuntfu, ehlulele ngekwemisebenti yemuntfu, hambani ngekwesaba kulesikhatsi nisetihambi kulomhlaba.