Jobe 34:10 - Siswati 1996 Bible

¹⁰ “Ngako lalelani lapha kimi, nine bantfu labanekucondza. Akube khashane naNkulunkulu kuba ngumenti walokubi, kwenta bubi akube khashane naSomandla.

Jobe 34:10 ပူးပေါင်းရင်းမြစ်များ

Genesisi 18:25

Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”

2 Samuweli 22:31

“Indlela yaNkulunkulu ilungile. Livi laSimakadze letsembekile. Yena usihlangu sabo bonkhe labaphephela kuye.

2 Tikhronike 19:7

Ngako yesabani Simakadze, nehlulele ngekunakekela lokukhulu, ngobe Simakadze Nkulunkulu wetfu akanako kungalungi, akakhetsi muntfu, futsi akadizelwa.”

Jobe 34:12

Kumatima kucabanga kutsi Nkulunkulu angahle ente lokubi, nekutsi Somandla angaphambukisa umtsetfo.

Jobe 34:34

“Emadvodza lanekuhlakanipha ayasho, nemadvodza lanekucondza langivako, atangitjela:

Jobe 36:23

Ukhona yini lowake watjela Nkulunkulu kutsi kufanele enteni, nome-ke atsi: ‘Wonile’?

Jobe 37:23

Somandla ungetulu kwemandla etfu, uphakeme ngemandla nangekulunga kwakhe; ngebukhulu bekulunga kwakhe akacindzeteli muntfu.

Jobe 8:3

Nkulunkulu uyawuguculela yini umtsetfo wakhe lolungile? Somandla uyayiguculela yini intfo lelungile?

Tihlabelelo 145:17

Simakadze ulungile kuto tonkhe tindlela takhe, unemusa emisebentini yakhe yonkhe.

Tihlabelelo 92:15

kuze kubonakale kutsi Somandla ulungile, yena ulidvwala lami, yena unguSokulunga.

Taga 15:32

Umuntfu longakunaki kuyalwa utedzelela yena matfupha; kodvwa lolalelako nayalwa ufundza kucondza.

Taga 6:32

Lophingako weswela ingcondvo, nangabe aphinga nemfati, utibulala yena.

Jeremiya 12:1

Yebo Simakadze, wena uhlala ungcwele, nangiletsa indzaba embikwakho. Noko ngifuna kukhuluma nawe macondzana nekwehlulela kwakho. Kwentiwa yini kutsi indlela yalomubi iphumelele? Kwentiwa yini kutsi labangaketsembeki bahlale kahle bakhululekile?

Zefaniya 3:5

Simakadze ulungile ekhatsi kwalelidolobha; akenti lutfo lolungakalungi. Kusa ngekusa bantfu bakhe ubaphatsa ngekungakhetsi, kulelo nakulelo langa lelisha akayekeli kwehlulela ngebucotfo, noko labangakalungi abalati lihlazo.

KubaseRoma 9:14

Pho, siyawutsini-ke? Sitsi kukhona yini lokungakalungi kuNkulunkulu? Cha, kute.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

YaJakobe 1:13

Umuntfu lolingwako angabosho kutsi: “Ngilingwa nguNkulunkulu;” ngobe Nkulunkulu angeke alingwe ngalokubi, futsi akalingi muntfu.