Jobe 33:6 - Siswati 1996 Bible

⁶ Mine ngifanana nawe embikwaNkulunkulu, nami ngatatjwa ebumbeni.

Jobe 33:6 ပူးပေါင်းရင်းမြစ်များ

Jobe 4:19

kakhulu kangakanani-ke labo labahlala etindlini letakhiwe ngeludzaka, letitisekelo tato tiselutfulini, labo labapitjiteka kalula njengemiyiyane.

2 kubaseKorinthe 5:20

Ngako singemancusa aKhristu; Nkulunkulu uncusa ngatsi. Sinincenga egameni laKhristu sitsi: “Buyisanani naNkulunkulu.”

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

Jobe 31:35

“Awu! Kube mane kunemuntfu longangiva! Sengiyakusicilela manje kutivikela kwami. Akangiphendvule phela Somandla. Lowo longibeka licala akalibhale phansi.

Jobe 20:22

Asesekutamaseni kwakhe lusizi luyawumhlasela, emandla lamakhulu elusizi ayawumehlela.

Jobe 13:12

Loku lenikukhulumako kungumbhedvo nje, netivikelo tenu titivikelo telibumba nje.

Jobe 10:9

Khumbula kutsi nguwe lowangibumba njengelibumba, senguwe njalo lotangibuyisela elutfulini futsi?

Eksodusi 4:16

Nguye lotakukhulumela kubantfu, abe ngumlomo wakho, wena ube njengaNkulunkulu kuye.

Genesisi 30:2

Jakobe watfukutselela Rakheli, wadzimate watsi: “Kantsi mine nginguNkulunkulu yini, longuyena avale sitalo sakho?”

Genesisi 3:19

Uyawusebenta kamatima, ukujulukele kudla kwakho, udzimate ubuyele emhlabatsini, ngobe vele watsatfwa kuwo; njengobe ulutfuli, uyawubuyela elutfulini.”

Genesisi 2:7

Nkulunkulu Simakadze wase ubumba umuntfu ngelutfuli lwemhlabatsi, waphefumulela umoya wekuphila emakhaleni akhe; umuntfu wase uba ngumuntfu lophilako.

Jobe 13:3

Kodvwa mine ngifisa kukhuluma kuSomandla, nekuphikisana naNkulunkulu ngalendzaba yami.

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.