Jobe 33:17 - Siswati 1996 Bible

¹⁷ Loko ukwentela kutsi ancandze umuntfu ekwenteni tono nasekutishayeni sifuba,

Jobe 33:17 ပူးပေါင်းရင်းမြစ်များ

Genesisi 20:3

Kodvwa Nkulunkulu weta ku-Abimeleki ngeliphupho ebusuku watsi kuye: “Wena utakufa ngenca yalomfati lomtsetse, ngobe ungumfati walendvodza.”

Genesisi 20:6

Nkulunkulu wamphendvula ephusheni watsi: “Yebo, ngiyati kutsi loku ukwente ngenhlitiyo lemhlophe, futsi ngimi lokuvimbile kutsi ungoni kimi, ngako angikakuvumeli kutsi umtsintse.

2 Tikhronike 32:25

Kodvwa inhlitiyo yakhe yatiphakamisa kangangekutsi akazange awunake lomusa longaka labentelwe wona, ngako lulaka lwaSimakadze lwehlela etikwakhe nasetikwaJuda neJerusalema.

Jobe 17:11

Emalanga ami asendlulile, tinhloso tami setephukile, kanjalo tifiso tenhlitiyo yami tehlulekile.

Jobe 33:16

Angakhuluma nasetindlebeni tabo, abesabise ngetecwayiso takhe.

Jobe 33:18

entela kugcina umphefumulo wakhe ungashoni emgodzini nemphilo yakhe kutsi ingabhubhi ngenkemba,

Umshumayeli 8:6

Ngobe yonkhe indzaba inesikhatsi sayo nendlela yayo, noko lusizi lwemuntfu luhlala lumatima etikwakhe.

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 23:9

NguSimakadze longuSomandla lokuhlelile kutsi entele phansi ligcabho labo bonkhe bukhatikhati, nekutsi atfobise bonkhe labadvumile emhlabeni.

Hoseya 2:6

Ngako-ke ngiyakuyivimba indlela yakhe, ngiyivale ngemahlahla emanyeva; ngiyawumvimbetela, kuze angasayitfoli nendlela.

Matewu 27:19

Watsi Philatu asahleti esihlalweni sekwehlulela, umfati wakhe watfumela kuye livi atsi: “Ungatifaki endzabeni yalowo muntfu longenacala, ngobe angikalali ngihlushwa ngaye ngeliphupho ebusuku balamuhla.”

2 kubaseKorinthe 12:7

Bengingahle ngikhukhunyetwe kakhulu ngenca yetembulo letinyenti, ngako-ke kwabekwa linyeva enyameni yami, ingilosi yaSathane yangihlaba, khona ngingetitikhukhumeta kakhulu.

Dutheronomi 8:16

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.

YaJakobe 4:10

Titfobeni embikweNkhosi, yona-ke iyawuniphakamisa.