Jobe 33:12 - Siswati 1996 Bible

¹² “Kodvwa ngiyakutjela ngitsi: Kuloku uyalahleka, ngobe Nkulunkulu mkhulu kunemuntfu.

Jobe 33:12 ပူးပေါင်းရင်းမြစ်များ

Jobe 1:22

Kuko konkhe loku Jobe akazange one ngekutsi asole Nkulunkulu.

Jobe 11:6

Shangatsi angembula kuwe timfihlakalo tekuhlakanipha, ngobe kuhlakanipha kweliciniso kukabili. Yati loku: Kutsi Nkulunkulu akakujezisi ngangekona kwakho.

Jobe 11:7

“Ungakucondza yini kujula kwetimfihlakalo taNkulunkulu? Ungafinyelela yini emikhawulweni yaSomandla?

Jobe 11:9

Silinganiso sako sidze kunemhlaba, futsi sibanti kwendlula lwandle.

Jobe 26:14

Lawa ngemacentselo nje emisebenti yakhe. Maye, lokukhulunywa ngaye sikuva kalufifi! Ngubani nje longakucondza kudvuma kwemandla akhe?”

Jobe 32:17

Nami ngitawubeka inkhulumo yami; nami ngitawukhuluma loko lengikwatiko.

Jobe 34:23

Nkulunkulu akadzingi kube solomane aphilikishana nebantfu abavivinya, kutsi bete kuye batekwehlulelwa.

Jobe 35:2

“Usho kutsi kambe ngabe loku kulungile? Utsi: ‘Ngiyawuhlangulwa nguNkulunkulu.’

Jobe 35:4

“Ngitsandza kukuphendvula kuloko, wena nalabangani bakho abakanye nawe.

Jobe 36:5

“Nkulunkulu unemandla, kodvwa akabedzeleli bantfu; unemandla, futsi ucinisekile kulenhloso yakhe.

Jobe 40:2

“Lona lophikisana naSomandla angamkhombisa yini indlela? Lowo lobeka Nkulunkulu licala akamphendvule!”

Jobe 9:4

Kuhlakanipha kwaNkulunkulu kujulile, emandla akhe abanti kakhulu. Ngubani nje lowake wacinisa inhloko kuye, wachubeka waphumelela angulote sici?

Umshumayeli 7:20

Kute nome munye umuntfu lolungile emhlabeni lowenta lokuhle kuphela, kubete lakonako.

Jeremiya 18:6

“Awu, wenandlu yaka-Israyeli, ngingete ngenta yini kini njengaloku kwenta lombumbi?” kusho Simakadze. “Njengelibumba etandleni tembumbi, ninjalo nani esandleni sami, ninendlu yaka-Israyeli.

Hezekeli 18:25

“Kodvwa nine nitsi: ‘Indlela yaSimakadze ayikalungi.’ Lalelani-ke, ninendlu yaka-Israyeli, ayikalungi yini indlela yami? Angitsi tindlela tenu letingakalungi?