Jobe 31:3 - Siswati 1996 Bible

³ Akusiyo yini imbhubhiso kulababi, sehlakalo kulabo labenta sono?

Jobe 31:3 ပူးပေါင်းရင်းမြစ်များ

2 Samuweli 18:10

Lomunye walamadvodza akaDavide watsi nakakubona loku, watjela Jowabe watsi: “Ngisandza kubona Absalomu alenga lapha kulesa sihlahla sem-okhi.”

Jobe 18:12

Inhlekelele ilambele yena, inhlekelele ikhamisele yena, nakatsi nje uyawa.

Jobe 20:29

Sinjalo-ke siphetfo Nkulunkulu lasabele lababi, lifa lelingulona balibekelwa nguNkulunkulu.”

Jobe 21:17

“Kukangakhi nje sibane salababi sicinywa? Ngukangakhi kona lababi behlelwa sehlakalo? Nkulunkulu uke abajezise ngentfukutselo yini?

Jobe 21:30

yekutsi lomubi uyacolelwa ngelilanga lenhlekelele nekutsi uyakhululeka ngelilanga lelulaka?

Jobe 31:23

Ngobe mine ngangiyesaba kakhulu imbhubhiso levela kuNkulunkulu. Nangenca yekwesaba bukhosi bakhe nje, ngangingeke ngiyente intfo lenje.

Jobe 34:22

Kute bumnyama lobumnyama kuye, kute nelitfunti lelimnyama, lapho benti balokubi bangabhaca khona.

Tihlabelelo 55:23

Wena Simakadze nguwe loyawubajikijela phansi, emgodzini wekufa. Bantfu bengati nenkhohliso bangeke baphile, ngisho nencenye yemphilo yabo. Kodvwa mine ngiyakwetsembela kuwe.

Tihlabelelo 73:18

Ngempela, wena ubabeka endzaweni leshelelako, ubente bawe babhubhe.

Taga 1:27

nase nifikelwe kutfutfumela lokunjengesiphepho, nesigemegeme lesinjengesihhushuhhushu, nekudzangala kanye nekudzabuka.

Taga 10:29

Indlela yaSimakadze iyinqaba yalabalungile; kodvwa ikubhubha kulababi.

Taga 21:15

Bantfu labalungile bayajabula, nangabe tintfo tentiwa ngendlela lengiyo, ngekujezisa lofanele; kodvwa benti balokubi bayatfutfumela.

Isaya 28:21

Simakadze utawuvuka, njengobe wake wenta eNtsabeni yasePherasimu, lulaka lwakhe luyakumvuselela njengaseSigodzini saseGibeyoni, kutsi ente umsebenti wakhe, yebo, umsebenti wakhe lomangalisako kutsi aphelelisele umsebenti wakhe, yebo, umsebenti wakhe longaketayeleki.

Numeri 16:30

Kodvwa nangabe Simakadze aveta intfo lensha lengazange seyenteke, umhlaba uvule umlomo wawo ubamite kanye nako konkhe lokungekwabo, bashobele phansi, baye endzaweni yalabafile beva, niyawube seniyati-ke kutsi labantfu bedzelele Simakadze.”

Matewu 7:13

“Ngenani ngelisango lelincane, ngobe lisango libanti nendlela ibanti leyisa ekubhujisweni, banyenti labangena ngalo.

KubaseRoma 9:22

Loku akusiko yini Nkulunkulu labefuna kukwenta? Nome abefuna kubonakalisa lulaka lwakhe nekwatisa emandla akhe, noko watimela ngekubeketela lokukhulu titja telulaka lwakhe letatimiselwe kubhujiswa.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.

2 kubaseThesalonika 1:9

Bayawujeziswa ngekubhujiswa kwaphakadze balunyulwe ebukhoneni beNkhosi nasenkhatimulweni yemandla ayo.

2 yaPhetro 2:1

Nakadzeni babevele bakhona baphrofethi bemanga emkhatsini wesive, kanjalo-ke nalapha emkhatsini wenu batawuvela baphrofethi bemanga, labatawungenisa timfundziso temanga letibhubhisako, baphike uMbusi lowabatsenga, ngaloko-ke batawube batidvonsela kubhujiswa lokusheshisako.

YaJuda 1:7

Khumbulani futsi iGomora neSodoma nemadolobha labekakhelene nawo. Bantfu balawo madolobha nabo balingisa letingilosi. Emadvodza abelalana odvwana ngendlela lengazange seyibonwe nalephambene nemvelo ehlelwa sijeziso lesimatima, umlilo longacimeki; aba secwayiso.

Tikhulu 9:53

lomunye umfati wehlisela lenkhulu imbakadza yelitje etikwenhloko yakhe, yabhidlita lukhakhayi lwa-Abimeleki.