Jobe 31:29 - Siswati 1996 Bible

²⁹ “Nangabe ngajabulela sitsa sami, nasehlelwa ngulokubi, nome ngagalajela inhlupheko leyasehlela,

Jobe 31:29 ပူးပေါင်းရင်းမြစ်များ

2 Samuweli 1:12

Balila bakhala kwaze kwaba nguntsambama, bazilela Sawula, nemsa wakhe Jonathani, nemabutfo aSimakadze, nesive sema-Israyeli, ngobe babebulewe ngenkemba.

2 Samuweli 3:32

Abneri bamngcwaba eHebroni, inkhosi yakhala yadzatimula ethuneni la-Abneri; nebantfu bonkhe bakhala.

Taga 17:5

Nawuphukuta luphuya, usuke wetfuka uMdali walo; nawuhhalatisa umuntfu lowehlelwe ngulokubi, nakanjani ungeke uhlale ungajeziswa.

Obadiya 1:12

Bekungakafaneli umbukele phansi umnakenu, nakavelelwe ngulokubi. Bewungakafaneli utsakase nangabe bakaJuda behlelwa yimbhubhiso. Yebo, bewungakafaneli kubacoloshela namzukwane behlelwa yinhlupheko.

Obadiya 1:13

Bewungakafaneli kungena emasangweni ebantfu bami ngesikhatsi behlelwa sigemegeme. Bewungakafaneli kubabukela phansi bantfu bami ngelilanga lekuhlupheka kwabo. Bewungakafaneli kuwuphanga umcebo webantfu bami.