Jobe 31:27 - Siswati 1996 Bible

²⁷ kangangekutsi inhlitiyo yami yase iyebeka ngikuhloniphe ngekwanga sandla sami,

Jobe 31:27 ပူးပေါင်းရင်းမြစ်များ

1 Emakhosi 19:18

Bantfu baka-Israyeli labati-7 000 ngiyakubashiya baphila: bonkhe labangazange baguce embikwaBhali nabo bonkhe labangazange bange Bhali ngemilomo yabo.”

Jobe 31:26

nangabe nganaka lilanga ekukhanyeni kwalo nome inyeti ekuhambeni kwayo lokumangalisako,

Jobe 31:28

nakunjalo-ke, konkhe loko tono lokusafanele tehlulelwe, ngobe ngabe bengingaketsembeki kuNkulunkulu losetulu.

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Isaya 44:20

Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Hezekeli 8:16

Wase ungiyisa esibuyeni lesisekhatsi nekhatsi endlini yaSimakadze, lapho ekungeneni kwelithempeli, emkhatsini wemhubhe nelilati, kwakunemadvodza langema-25. Imihlane yawo ibheke ngasethempelini laSimakadze, buso bawo bubheke ngasemphumalanga, babekhotsamela lilanga ngasemphumalanga.

Hoseya 13:2

Manje bachubeka nako kona; batentela tithico ngesiliva yabo, titfombe letakhiwe ngekuhlakanipha lokukhulu. Konkhe kungumsebenti wencondzi yetekubata. “Benta imihlatjelo ngebantfu bange letithico letimise kwematfole.”

KubaseRoma 1:21

ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

Dutheronomi 11:16

“Caphelani-ke kutsi tinhlitiyo tenu tingayengeki bese niyaphambuka nikhonte labanye bonkulunkulu nikhotsamele bona.

Dutheronomi 13:6

“Nangabe umnakenu, nome indvodzana yakho, nome indvodzakati yakho, nome umkakho lomtsandzako, nome umnganakho lomkhulu akuwunga ngasense atsi: ‘Asambe siyewukhonta labanye bonkulunkulu,’ leningazange senibati nine naboyihlo,

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.