Jobe 31:16 - Siswati 1996 Bible

¹⁶ “Nangabe angikahlangabetani neticelo talabamphofu, nome-ke ngenta emehlo emfelokati aphophota tinyembeti,

Jobe 31:16 ပူးပေါင်းရင်းမြစ်များ

Jobe 20:19

Ngobe ubacindzetele labamphofu, wabashiya beswele, ubadle netindlu tabo langazange asatakhe.

Jobe 5:16

Ngako labamphofu ubanika litsemba, bese kutsi kungetsembeki kuvalwe umlomo.

Tihlabelelo 112:9

Labamphofu ubapha ngekukhululeka; kulunga kwakhe kuyawuma kuze kube phakadze. Uyawuba nemandla, ahlonipheke.

Tihlabelelo 119:123

Emehlo ami asacundzekile, ngifunana nensindziso yakho, nekugcwaliseka kwesetsembiso sakho.

Tihlabelelo 119:82

Sengigolotele sekuze kubuhlungu emehlo, solomane ngilindzele setsembiso sakho; solomane ngiyatibuta namanje, ngitsi: “Uyawungidvudvuta nini?”

Tihlabelelo 69:3

Ngidvubuteke kabi ngenca yekukhala kwami, umphimbo wami womile, uyahoshota. Emehlo ami asacundzekile ngenca yekulindzela wena, Nkulunkulu wami.

Eksodusi 22:22

Ningamphatsi dlephu umfelokati nome intsandzane.

Taga 22:22

Umuntfu loweswele ungamphatsi dlephu ngobe abukeka eswele, nalomphofu ungamdleleli ecaleni;

Taga 31:20

Unesandla ekusiteni labamphofu, aphe nalabeswele.

Isaya 10:2

bentele kwemuka labamphofu emalungelo abo, badlelele bantfu bami labacindzetelekile emalungelo abo emtsetfocotfo, batsatse imphango kubafelokati, badlelele labangenaboyise.

Isaya 38:14

Ngantjilota ngikhalisa kwenkhonjane, ngabubula ngakhalisa kwelituba, emehlo ami aba luvitsi, nangitsi ngibuka etulu emazulwini, ngihluphekile. Awu Simakadze, wota ungelekelele.”

Sililo 4:17

Ngetulu kwaloko, emehlo etfu adzimate akhatsala solomane agolotele lusito lungaveli, sabukisisa emibhoshongweni yetfu, silindzele sive lesasingeke sisisindzise.

Hezekeli 18:16

Ayicindzeteli muntfu nome-ke ifune sibambiso sesebolekiso. Ayidleleli muntfu, kodvwa inikela ngekudla kwayo kulabalambile nangetintfo tekwembatsa kulabangcunu.

Levithikusi 25:35

“ ‘Nangabe lomunye emkhatsini wenu aba mphofu ehluleke nekutondla, msiteni njengobe bewungamsita losihambi nome losisebenti sesikhashana, kuze achubeke ahlale emkhatsini wenu.

Matewu 23:14

“Maye kini, bafundzisi bemtsetfo nebaFarisi! Batentisi! Ngobe nidla tindlu tebafelokati, nangekutentisa nenta imithandazo lemidze. Ngako niyakwemukeliswa kulahlwa lokukhulu.]

Matewu 25:17

Kanjalo futsi nalesi lesemukela emathalenta lamabili sawatalisa, atala lamanye lamabili.

Lukha 16:21

abedzinga kondliwa ngetimvutfuluka tekudla letatiwa etafuleni lalesicebi. Netinja tatita timkhotse tilondza.

Imisebenti yebaPhostoli 11:29

Bafundzi bavumelana kutsi ngulowo nalowo atfumele loko langakutfumela kusita bazalwane baseJudiya.

KubaseGalathiya 2:10

Batsi nje kumelwe sikhumbule labamphofu, lebekungiyonantfo nami lebengiyikhutsalele.

Dutheronomi 28:32

Emadvodzana nemadvodzakati enu ayawutsatfwa aniketelwe kuletinye tive, nine niyawugugelwa ngemehlo solomane niwagolotele imihla ngemihla, ningasenamandla ngisho newekuphakamisa sandla.

YaJakobe 1:27

Kukholwa lokumsulwa lokungenasici embikwaNkulunkulu longuBabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.