Jobe 31:11 - Siswati 1996 Bible

¹¹ Ngobe loko bekungaba lihlazo nendlisamahloni, sono lesifanele sehlulelwe.

Jobe 31:11 ပူးပေါင်းရင်းမြစ်များ

Levithikusi 20:10

“ ‘Nangabe indvodza iphinga nemfati walenye indvodza, nome yamakhelwane wayo, bobabili, lesiphingi nalesiphingikati, kufanele babulawe.

Jobe 31:28

nakunjalo-ke, konkhe loko tono lokusafanele tehlulelwe, ngobe ngabe bengingaketsembeki kuNkulunkulu losetulu.

Genesisi 38:24

Emvakwetinyanga letintsatfu wabikelwa Juda kwatsiwa: “Thamari, malukatana wakakho ugwadlile, manje nje sewutetfwele.” Juda waphendvula watsi: “Mkhipheni, nimshise aze afe.”

Hezekeli 16:38

Ngiyawukugweba ngesijeziso sebafati labagwadlako nalabacitsa ingati; ngiyakwehlisela etikwakho imphindziselo yengati ngekwelulaka lwami nangekwentfukutselo yesikhwele sami.

Eksodusi 20:14

“Ungaphingi.

Genesisi 26:10

Abimeleki watsi kuye: “Yini-ke lena lose uyente la kitsi? Buka-ke, ngobe lenye indvodza beyingahle ilale naye kalula nje lomkakho; ngaleyo ndlela bewutawube sewusiletsele licala.”

Genesisi 20:9

Abimeleki wabita Abrahama wambuta watsi: “Yini lena lose uyente la kitsi? Ngikone ngani, kutsi ungaze uletsele mine kanye nembuso wami lesono lesikhulu kangaka? Utenteleni letintfo bewungakafaneli kutenta?”

Genesisi 39:9

Inkhosi ingilinganise nayo kulelikhaya, futsi kute lengigodlele kona ngaphandle kwakho, ngobe ungumkayo. Pho, ngingabenta kanjani lobubi lobungaka, ngone kuNkulunkulu?”