Jobe 30:26 - Siswati 1996 Bible

²⁶ Kodvwa nangitsi ngifuna lokuhle, kusuke kufike lokubi; nangitsi ngifuna kukhanya, kusuke kuchamuke bumnyama.

Jobe 30:26 ပူးပေါင်းရင်းမြစ်များ

Jobe 18:18

Sewucoshiwe ekukhanyeni wayiswa ebumnyameni, ulahliwe futsi lapha kulomhlaba.

Jobe 18:6

Kukhanya kwasekhaya lakhe sekubumnyama; sibane lesiseceleni kwakhe siyacisha.

Jobe 19:8

Utivalile tindlela tami, entela kutsi ngingakhoni kwendlula, wembatsise tindlela tami ngebumnyama.

Jobe 23:17

Noko bumnyama abukangibindzisi; yebo, bumnyama lobuphatsekako lobungimbonye buso abukangibindzisi.”

Jobe 29:18

“Ngangicabanga ngitsi: ‘Nami ngiyawufela ekhaya lami, emalanga ami manyenti ngangesihlabatsi saselwandle.

Tihlabelelo 97:11

Kukhanya kuhlanyelelwa labalungile, nekujabula kuhlanyelelwa labanetinhlitiyo letinhle.

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

Isaya 59:9

Ngako kwehlulela ngebucotfo kukhashane natsi, nekulunga akufinyeleli kitsi. Sifuna kukhanya, kodvwa konkhe kumnyama, sifune bucwebecwebe, kodvwa sihambe kulamnyama ematfunti.

Jeremiya 14:19

Sewumlahle kokuphela yini Juda? Umbukela phansi yini Siyoni? Usishayelani sive singete sakhona kuphiliswa nje? Sasetsemba kutsi kutawuba nekuthula nenhlalakahle, kodvwa kute nakunye lokuhle lokusehlele. Setsemba sikhatsi sekuphiliswa, kodvwa kwaba nekutfutfumela kuphela.

Jeremiya 15:18

Kwentiwa yini kutsi iminjunju yami ingapheli, nelinceba lami libe libibitseka, futsi lingelapheki? Vele, kimi utawuba njengemfula lolite yini nanjengemtfombo lote emanti?

Jeremiya 8:15

Besetsembe kuthula, kodvwa kute lokuhle lokufikile, besetsembe sikhatsi sekuphiliswa, kwefika lokwesabisako kodvwa nje.

Sililo 3:2

Ungicoshile, wangenta ngahamba ngetinyawo, ngahamba ebumnyameni kungesiko ekukhanyeni.

Mikha 1:12

Takhamiti taseMarothi timele kusitakala kwato ngekulangatelela lokukhulu, ngobe Simakadze usondzete sigemegeme emasangweni aseJerusalema.