Jobe 30:25 - Siswati 1996 Bible

²⁵ Angizange ngibakhalele yini bantfu labasenhluphekweni? Umphefumulo wami awuzange ubakhalele yini bantfu labamphofu?

Jobe 30:25 ပူးပေါင်းရင်းမြစ်များ

Jobe 24:4

Bakhweshisa labeswele endleleni, baphocelele bonkhe labamphofu belive kutsi babhace.

Jobe 29:12

ngobe ngangisindzisa labamphofu lababekhala bacele lusito kimi, netintsandzane letatite boyise lababengatisita.

Jobe 29:16

Nganginguyise walabeswele, ngangiyitsatsela etulu ngiyihlolisise indzaba yalosihambi eveni.

Jobe 31:31

Bantfu labasekhaya kami abazange sebasho yini batsi: ‘Ngubani longazange asayidle ayesutse inyama yakaJobe?’

Tihlabelelo 12:1

Awu, Simakadze, sisindzise! Sekute bantfu labacotfo, ngobe labetsembekile sebanyamalele.

Taga 14:21

Umuntfu lobukela phansi makhelwane wakhe uyona; kodvwa ubusisiwe umuntfu lonemusa kulabamphofu.

Taga 14:31

Nawucindzetela luphuya, wetfuka uMdali walo; kodvwa nawuphetse kahle loweswele, udvumisa uMdali wakhe.

Taga 17:5

Nawuphukuta luphuya, usuke wetfuka uMdali walo; nawuhhalatisa umuntfu lowehlelwe ngulokubi, nakanjani ungeke uhlale ungajeziswa.

Taga 19:17

Lowo lopha lomphofu uboleka Simakadze; Simakadze uyakumvuza ngaloko lakwentile.

Taga 28:8

Nangabe umuntfu acetjiswa kwebolekisa ngekubita intalo lenkhulu, ingcebo yakhe itakuya kubantfu labaphatsa kahle timphuya.

Jeremiya 13:17

Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.

Jeremiya 18:20

Kufanele yini kutsi lokuhle kukhokhelwe ngalokubi? Noko bangimbele umgodzi. Khumbula kutsi ngema embikwakho ngabancengela kuwe kutsi ngincandze lulaka lwakho kubo.

Danyela 4:27

Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”

Lukha 19:41

Asasondzela eJerusalema wayibuka wayililela.

Johane 11:35

Jesu wakhala tinyembeti.

KubaseRoma 12:15

Nijabule nalabajabulako, nikhale nalabakhalako.

2 kubaseKorinthe 9:9

NemBhalo utsi: “Wenetisa ngekukhululeka, aphe labaphuyile; kulunga kwakhe kungeke kuphele phakadze naphakadze.”