Jobe 3:17 - Siswati 1996 Bible

¹⁷ Lapho-ke ngulapho lababi bayekela khona budlova, nalabakhatsatekile lapho bayaphumula.

Jobe 3:17 ပူးပေါင်းရင်းမြစ်များ

Jobe 14:13

“Ngifisa shangatsi ungangifihla ethuneni, ungibhacise khona kuze kwendlule intfukutselo yakho! Nawungamane nje ungincumele sikhatsi, ungikhumbule!

Jobe 17:16

Litakwehla yini liye emasangweni ekufa? Sitakwehlela elutfulini kanyekanye yini?”

Jobe 3:16

Nome lokungenani-ke angifihlwanga ngani emhlabatsini njengeluswane lolutelwe lufile, ngibe njengeluswane lolungazange selukubone kukhanya kwelilanga?

Jobe 3:18

Lapho netiboshwa titfola kuthula, atisaliva ngisho neliphimbo lalabacindzetelako.

Umshumayeli 4:2

Ngakhandza kutsi labafile bayajabula; labo lasebalala bancono kunalaba labaphilako.

Umshumayeli 9:6

Kubo lutsandvo, nenzondo, nemona sekwaphela, bangeke baphindze babe nesabelo kuko konkhe lokwentiwako lapha emhlabeni.

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

Lukha 12:4

“Ngiyanitjela, tihlobo tami, ngitsi: Ningabesabi labo lababulala umtimba kodvwa bangenamandla ekwenta lokubi lokungetulu kwaloko.

KumaHebheru 4:11

Ngako-ke asikhutsalele kungena kuloko kuphumula, kubete lowehluleka ngenca yekungalaleli njengabo.

KumaHebheru 4:9

Ngako-ke kuphumula kweliSabatha kusabasalele bantfu baNkulunkulu.

2 yaPhetro 2:8

Lendvodza lelungile lebeyihlala emkhatsini wabo, onkhe emalanga beyidzatjukiswa kuva nekubona tento tabo letimbi tekungamesabi Nkulunkulu, umphefumulo wayo lolungile weva buhlungu.

Sembulo 14:13

Ngase ngiva livi ezulwini litsi: “Bhala naku: Babusisiwe labafile bafela eNkhosini kusukela kulesikhatsi.” Moya waphendvula watsi: “Babusisiwe ngempela! Bayawuphumula ekusebenteni kwabo kamatima, ngobe tento tabo tiyabalandzela.”

1 Samuweli 28:19

Simakadze utaninikela etandleni temaFilisti, wena kanye naso sonkhe sive sema-Israyeli. Kusasa wena kanye nemadvodzana akho nitawube senikanye nami lapha. Simakadze utawunikela ngisho nemphi yema-Israyeli etandleni temaFilisti.”