Jobe 29:13 - Siswati 1996 Bible

¹³ Umuntfu abetsi nase afa angibusise, ngangitijabulisa tinhlitiyo tebafelokati, tihlabele.

Jobe 29:13 ပူးပေါင်းရင်းမြစ်များ

kuFilemoni 1:7

Lutsandvo lwakho luyangijabulisa, futsi luyangikhutsata, mzalwane wami. Tinhlitiyo talabanyenti labangcwele tihlunyelelisiwe ngalo.

Isaya 27:13

Ngalelo langa kuyawukhala licilongo lelikhulu. Labo lababelahlekile bedukela e-Asiriya, nalabo lababetfunjelwe eGibhithe bayakuta batewukhonta Simakadze entsabeni lengcwele, eJerusalema.

Jobe 22:9

Wahambisa bafelokati yabayaba, wapitjita emandla alabatintsandzane.

Isaya 65:14

Tinceku tami tiyawuhlabela ngenca yekujabula lokuphuma etinhlitiyweni tato; kodvwa nine niyawukhala ngenca yekudzabuka kwetinhlitiyo, nilile ngenca yekudzabuka kwemoya.

Tihlabelelo 67:4

Tive atihlabele ngenjabulo, ngobe wehlulela tive ngebucotfo, uhole tonkhe tive temhlaba. Cabanga.

Dutheronomi 26:5

Uyawube sewuyamemetela embikwaSimakadze Nkulunkulu wakho, utsi: ‘Khokho wami abengum-Aramu labezulazula. Wehlela eGibhithe anebantfu labambalwa wahlala khona, waze wandza waba sive lesikhulu, nalesinemandla, nalesinyenti kakhulu.

Dutheronomi 24:13

uyawusibuyisela kuye sembatfo sakhe nakushona lilanga kuze alale ngaso. Uyawukubonga kakhulu, loko kubalelwe kuwe njengesento lesihle embikwaSimakadze Nkulunkulu wakho.

Dutheronomi 16:11

Niyawujabula embikwaSimakadze Nkulunkulu wenu endzaweni layakuyikhetsela kubeka Libito lakhe, kujabule nine, kanye nemadvodzana nemadvodzakati enu, netigcili netigcilikati tenu, nemaLevi lakulamadolobha enu, nebetive, netintsandzane, nebafelokati labahlala kanye nani.

Taga 11:26

Bantfu bayamcalekisa umuntfu logodla kudla; kodvwa bamfisele lokuhle lowo lotsengisa ngako.

Ruthe 2:20

Nawomi watsi kumalukatane wakhe: “Shangatsi Simakadze lonemusa kulabaphilako nalabafile angambusisa.” Wachubeka watsi: “Lomuntfu usihlobo setfu sengati, ungulomunye walabo labafanele kusinakekela.”