Jobe 28:26 - Siswati 1996 Bible

²⁶ nakashayela imvula umtsetfo, abhola indlela yemibane yekudvuma kwelitulu,

Jobe 28:26 ပူးပေါင်းရင်းမြစ်များ

Jobe 38:25

Ngubani lomba imisele yetikhukhula temanti emvula, nalomba indlela yekudvuma kwelitulu,

Jobe 37:3

Ujikijela imibane yakhe ngaphansi kwemazulu, ayitfumele emikhawulweni yonkhe yemhlaba.

Zakhariya 10:1

Celani imvula kuSimakadze nakungusentfwasahlobo; nguSimakadze lowenta emafu lanemvula, nguye lowehlisela tihlambi temvula kubantfwana bebantfu, aphe netitselo tesiganga kubo bonkhe bantfu.

Amose 4:7

“Ngaphindze ngabamba imvula, sekusele tinyanga letintsatfu nje kutsi kuvunwe; ngatfumela imvula kulelinye lidolobha, kodvwa ngayibamba kulelinye. Lenye insimi yatfola imvula, lenye yangete yayitfola imvula yaze yoma.

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Tihlabelelo 148:8

nawe mlilo nesangcotfo, nelichwa, netinkhungu, nemoya lonemandla lolalela imiyalo yakhe.

Jobe 38:27

nekwenelisa live lelingenalutfo lihlume libe neluhlata?

Jobe 37:11

Wetfwesa emafu ngemswakama, asakate imibane igcwale kuwo.

Jobe 36:32

Ugcwalisa tandla takhe ngembane, bese uyawutjela kutsi awubaneke.

Jobe 36:26

Maye, mkhulu Nkulunkulu! Bukhulu bakhe bungetulu kwekucondza kwetfu. Bunyenti beminyaka yakhe bungetulu kwekubala kwemuntfu.

Jobe 28:27

wabuka kuhlakanipha konkhe, wase uyakudvumisa, wakumisa kwaba njalo, wakuvivinya.

Jobe 37:6

Utjela ngcocwane atsi: ‘Yehlela emhlabeni,’ nasetihlambini tetimvula atsi: ‘Bani sihhuhhula lesinemandla.’

Jobe 38:26

kutekunisela live lelingahlalwa ngumuntfu, lihlane kalashameshame,

Tihlabelelo 135:7

Nguye lokhuphula tinkhungu emikhawulweni yemhlaba. Wenta imibane ilandzelwe yimvula. Ukhipha imimoya etingosini takhe.

Taga 8:22

“Simakadze wangidala, ngaba wekucala emisebentini yakhe, ngaba wekucala endalweni yakhe, ngiwasendvulo.

Jobe 36:27

“Ukha ematfonsi emanti, acengeke abe yimvula leyehlela emifudlaneni.

Jobe 36:29

Ngubani nje longacondzisisa kutsi uwendlala kanjani emafu? Udvuma kanjani nje endzaweni yakhe yekuhlala?

Jobe 37:2

Lalela! Lalela kudvuma kwelivi lakhe, nalokugedletela lokuphuma emlonyeni wakhe.

Jobe 37:4

Emvakwaloko kuta umsindvo wekudvuma kwakhe, ubhavumula ngelivi lakhe lebukhosi. Liphimbo lakhe lingabhavumula akusali lutfo lunganyakati.