25 Watsi nakasungula emandla emoya, akala emanti,
Nakabamba imvula kuba nesomiso, utsi angawayekela lamanti, ente umonakalo.
Uyati yini kutsi Nkulunkulu uwabusa kanjani emafu, nekutsi uyiklazisa kanjani imibane yakhe?
“Bewukuphi wena, nangibeka sisekelo semhlaba? Ngitjele, nawukucondza loko.
Ngubani labekala bukhulu bawo? Nakanjani ufanele kukwati loko! Ngubani labedvonsa intsambo yekukala nawukalwako?
“Ngubani lowavala emasango ekuvimbela lwandle, naluphuphuma, luphuma esiswini semhlaba,
Nguye lokhuphula tinkhungu emikhawulweni yemhlaba. Wenta imibane ilandzelwe yimvula. Ukhipha imimoya etingosini takhe.
Ngubani lolinganise emanti ngentsendze yesandla sakhe, nome lowatsi ngebubanti besandla sakhe wemisa imikhawulo yemazulu? Ngubani lolinganisa lutfuli lwemhlaba ngembita, nome lowake wakala tintsaba ngesikali, wakala nemagcuma ngesilinganiso?
