Jobe 28:20 - Siswati 1996 Bible

²⁰ “Kantsi vele kona kuhlakanipha kuvelaphi? Kuhlalaphi kucondza tintfo kahle?

Jobe 28:20 ပူးပေါင်းရင်းမြစ်များ

Jobe 28:12

“Kodvwa kungaze kutfolakale kuphi kuhlakanipha? Kuhlalaphi kucondzisisa kahle tintfo?

Jobe 28:21

Kufihlakele emehlweni ayo yonkhe intfo lephilako, kuvalelekile ngisho nasemehlweni etinyoni letindiza etulu emoyeni.

Jobe 28:23

NguNkulunkulu loyicondza kahle indlela leya kuko, futsi nguye yedvwa lowati lapho kuhlala khona kuhlakanipha.

Jobe 28:28

Wase ukhuluma kumuntfu, watsi: ‘Buka la, kwesaba Nkulunkulu libito lako kuhlakanipha. Kubalekela lokubi loko kukucondza.’ ”

Taga 2:6

NguSimakadze lowephana ngekuhlakanipha; emlonyeni wakhe kuphuma lwati nekucondza.

YaJakobe 1:17

Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.