Jobe 28:19 - Siswati 1996 Bible

¹⁹ Ngeke kulinganiswe ngisho nanethophazi yaseKushe, kungeke kutsengwe ngisho nangegolide lecengiwe.

Jobe 28:19 ပူးပေါင်းရင်းမြစ်များ

Hezekeli 28:13

Wawuse-Edeni, sivandze saNkulunkulu. Wawuhlotjiswe ngawo onkhe ematje laligugu: ngemarubhi, nangemathophazi, nangema-emeraldi, nangemakhrisolithe, nangema-oniksi, nangemajasiphi, nangemasafire, nangemathekhosi, nangemabherili. Kwekuhlanganisa lamatje akho laligugu nekwekuwanamatsisela kwakwentiwe ngegolide. Kwalungiswa kahle konkhe loko ngelilanga lowadalwa ngalo.

Taga 8:19

Labakutfola kimi kuncono kunegolide lecengiwe, sitselo sami sendlula isiliva lecengiwe.

Eksodusi 39:10

Banamatsisela kuso imigca lemine yematje laligugu; emgceni wekucala banamatsisela isadiyusi, nethophazi, nerubhi;

Eksodusi 28:17

Unamatsisele kuso imigca lemine yematje laligugu; emgceni wekucala unamatsisele isadiyusi, nethophazi, nerubhi;

Sembulo 21:20

lesihlanu kuyisadoniksi, lesitfupha kuyisadiyusi, lesikhombisa kuyikhrisolithe, lesiphohlongo kuyibherili, lemfica kuyithophazi, lelishumi kuyikhrisophrasi, leli-11 kuyihiyakinte, leli-12 kuyi-amethiste.

Jobe 28:20

“Kantsi vele kona kuhlakanipha kuvelaphi? Kuhlalaphi kucondza tintfo kahle?

Taga 3:13

Ubusisiwe umuntfu lotfola kuhlakanipha nalowo lowemukela kucondza.

Taga 20:15

Igolide nematje laligugu lamanyenti ungaba nako; kodvwa umlomo lokhuluma lwati ungetulu kwentsengo yematje laligugu.