12 “Kodvwa kungaze kutfolakale kuphi kuhlakanipha? Kuhlalaphi kucondzisisa kahle tintfo?
Ngako-ke nika inceku yakho inhlitiyo lehlakaniphile nengcondvo lehlutekile lekwati kwehlukanisa lokuhle nalokubi, kuze yehlulele kahle lesive sakho. Ngobe ngubani nje longakhona kubusa lesive sakho lesikhulu kangaka?”
Uphenyisisa tiyalu tayo yonkhe imifula, avumbulule tintfo letifihlakele atibeke ebaleni.
“Kantsi vele kona kuhlakanipha kuvelaphi? Kuhlalaphi kucondza tintfo kahle?
NguNkulunkulu loyicondza kahle indlela leya kuko, futsi nguye yedvwa lowati lapho kuhlala khona kuhlakanipha.
Wase ukhuluma kumuntfu, watsi: ‘Buka la, kwesaba Nkulunkulu libito lako kuhlakanipha. Kubalekela lokubi loko kukucondza.’ ”
Ngempela, wena utsandza liciniso lelingekhatsi enhlitiyweni; ngako-ke uyawungifundzisa timfihlakalo tekuhlakanipha kwakho.
Simakadze wasekela umhlaba ngekuhlakanipha, wamisa emazulu endzaweni yawo ngekucondza.
Kuhlakanipha kuyintfo lenhle njengelifa, kantsi futsi kusita labo labasabona lilanga.
Kuye kutfukuswe emagugu onkhe ekuhlakanipha newekwati.
Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.
Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.